MAATEWOOSI 12:32 - Qullaawa Maxaafa

³² Manchi Beetti aana xonote qaale coyi'ranno baalira saosi agurrannisi. Qullaawa Ayyaana xonino baalira kayinni tenne alamerano ikko daggannotera saosi diagurrannisi» yiinsa.

MAATEWOOSI 12:32 ပူးပေါင်းရင်းမြစ်များ

IYYOOBI 36:13

«Maganiweelu mannira kayinni, wodanaho hanqu dihooganno; ganannonsa woyite nafa, kaa'lansara dihasidhanno.

MAATEWOOSI 11:19

Manchi Beetti itanninna aganni dayita kayinni, ‹Kuni itonna ago baxannoho; qaraxaasinetenna cubbaataammu jaalaati› yitino. Egennote halaalaanchimma gumisenni leeltanno» yiinsa.

MAATEWOOSI 12:31

Kunni daafira, mannaho loosanno cubbonna xonanno xono baala agurranni. Qullaawa Ayyaana xonino baalira kayinni saosi diagurantannosi yeemmo'ne.

MAATEWOOSI 12:8

Manchi Beetti isinni Fooliishshote Barrira Mootichaho» yii.

MAATEWOOSI 13:22

Utu mereero uwino wixi masalo: Maganu qaale yannate geeshshira calla macciishshanno manchooti. Tenne gobba hedonna jirote baxilli wodanisi giddora e"e, macciishshino qaale beeshshe amadanno daafira gumiweele gatanno.

MAATEWOOSI 13:39

Santaata wixinohu baarigaaru Sheexaaneho. Gide murrannihu alamete goofimarchiraati; murtannori Maganu sokkaasineeti.

MAATEWOOSI 13:40

Santaata gamba assine giirranninte gede, alamete goofimarchirano hatto assinanni.

MAATEWOOSI 13:55

Isi haqqa bocannohu beetto di"ikkino? Amasi Maariyaami di"ikkitino? Qoleno Yaiqoobi, Yooseefi, Simiooninna Yihudi rodoo di"ikkino?

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

MAARQOOSI 10:30

roore afi'ranno. Xiiwanturo nafa, tenne yannarano mine, labbaa roduuwa, meyaa roduuwa, amuuwa, oosonna gate agarannohu xibbe ero afi'ranno; dagganno yannarano hegere heeshsho afi'ranno.

MAARQOOSI 3:28

«Halaale yeemmo'nena, mannaho loosanno cubbonna xonanno xono agurranni.

MAARQOOSI 3:29

Qullaawa Ayyaana xoninohura baalaho kayinni hegere asale ikkannosi ikkinnina horontanni saosi diagurantannosi» yiinsa.

LUQAASI 12:10

Manchi Beettira busha coyi'rannohu sao agurranni. Qullaawu Ayyaanira busha coyi'rannohu sao kayinni horonta diagurranni.

LUQAASI 16:8

Mootichuno konne ammanaminokki loosiisaancho egennosinni assinorira naadisi. Tenne gobba manni ilamansara xawaabbu manninni roore egennaammaho.

LUQAASI 18:30

tenne gobbara erote ero adhanno. Dagganno alamerano hegere heeshsho afi'ranno» yii.

LUQAASI 23:34

Hakkunni gedensaanni Yesuusi, «Anna'ya! Diaffe assitanni noona saonsa aguri» yii. Uddanosino hixa tuqqite beeqqitu.

LUQAASI 7:34

Manchi Beetti itanninna aganni dayita, ‹Kuni itonna ago baxannoho! Qaraxaasinetenna cubbaataammu jaalaati› yitinoonni.

YOHAANNISI 7:12

Mannuno isire kayise hashaashamanna mitu mitu, «Isi dancha manchooti» yii. Wolootu kayinni, «Dee'ni, isi manna so'risiisanno» yitu.

YOHAANNISI 7:39

Yesuusi konne coye coyi'rinohu iso ammantinori adhitannohu Qullaawu Ayyaani daafiraati. Yesuusi hatte yannara ayirrinyunniwa einokki daafira, Qullaawu Ayyaani ammanaasinenniwa didayino.

YOHAANNISI 7:52

Insa qolte, «Atino Galiilunni dayottoho? Galiilunni himanaanchu fulannokkita Qullaawa Maxaaffa giddo buuxxe lai» yitu.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

EFESOONI SOKKA 1:21

Kiristoosi gordoho qiniitesiinni ofollinohu, iimi gashshaano, roorrootu, wolqaataammunna mootoolla baalate aleenni gashshateeti. Isi tenne xa nooterano daggara noo alamera aliidiha ikkinoha ayirrado su'ma afi'rino.

UMI XIMOOTEWOOSI 1:13

Kunni albaanni Kiristoosa xonoommosiha, xiiwoommosihanna shollishoommosiha ikkiro nafa, isi kayinni sao'ya agurinoe. Sao'ya agurinoehu, ani konne baala assoommohu afa hoogatenninna ammana hoogatenni ikkinota afinohuraati.

UMI XIMOOTEWOOSI 1:15

«Yesuusi Kiristoosi cubbaataamma gatisara yee tenne gobba dayino» yaanno qaali halaalaanchohonna mannu baalu adha hasiissannoho. Cubbaataammu baalunni rooru cubbaataami aneeti.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

LAYINKI XIMOOTEWOOSI 4:10

Deemaasi tenne gobba baxe, ane agure Teselonqe ha'rino. Qirqiisi Galatiya, Tiitono Dilimaaxiya ha'rino.

TIITO 2:12

Tini eltono ammana giwanna maalu yorto agurre umo qee'line, sumbetenninna ayyaanaame heeshshonni tenne gobbara hee'neemmo gede rosiissannonke.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.