MAATEWOOSI 12:28 - Qullaawa Maxaafa

²⁸ Ani durriisa Maganu Ayyaaninni fushsheemmoha ikkiro kayinni, Maganu Gashshooti ki'newa dayino yaate.

MAATEWOOSI 12:28 ပူးပေါင်းရင်းမြစ်များ

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

MAATEWOOSI 12:18

«Doodhoommohu soqqamaanchi'ya konneeti. Isi ani baxeemmohonna hagiidheemmoho. Ayyaana'yano isi aana woreemmo; isi gosate ane yoo kulanno.

MAATEWOOSI 12:29

Qoleno, mittu manchi balaxe wolqaataamo usurikkinni wolqaataamu minira e"e jajjasi adha dandaannoni? Usurihu gedensaanni kayinni minesi mulqanno.

MAATEWOOSI 21:31

«Lamunku giddo annu hedo wonshinohu hiikkonneeti?» yiinsa. Insano, «Balaxe soyiho» yitu. Yesuusino, «Halaale kuleemmo'nena, qaraxaasinenna foortannori Gordu Gashshoote ea balaxxanno'ne.

MAATEWOOSI 21:43

«Ani kuleemmo'nena, Maganu Gashshoote ki'newiinni haa'ne guma laalanno mannira uyinanni.

MAATEWOOSI 4:24

Duduwisi Sooriyu gobba baala iillino daafira, addi addi dhibbinninna dhiddonni qarrantinore, durriisu ganinore, hawwunatu noonsarenna laanshaabbinore baala Yesuusiwa haadhe abbitu; isino baalanka hursi.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

MAARQOOSI 1:15

«Yanna iillitino; Maganu Gashshooti gambisino; cubbo'ne aagintaabbine higgine Dancha Duduwo ammanne!» yii.

MAARQOOSI 11:10

Daanni noohu, anninke Daawiti Gashshooti maassamo; iima gordoho hee'rannohura hosaina!» yaanni faarsi.

MAARQOOSI 16:17

Ane amma'nitannori kunninni aante noo maalale loosate wolqa afidhanno. Su'mi'yanni Sheexaane fushshitanno; haaru afiinnino coyidhanno.

LUQAASI 10:11

«Katami'neta lekkanke buko ganga'ninoommo. Maganu Gashshooti ki'newa gamba yiinota kayinni affe» yiiyyensa.

LUQAASI 11:20

Ani durriisa Maganu wolqanni fushsheemmoha ikkiro, kuni coyi Maganu Gashshooti ki'newa iillinota leellishanno.

LUQAASI 16:16

Yesuusi lede coyi'ranni, «Seerunna himanaanote maxaaffa Cuuaanchu Yohaannisi geeshsha kulantanni keeshshitino. Kunni ka'a kullannihu Danchu Duduwi Maganu Gashshootire kulanno. Mittu mittunku Maganu Gashshoote eate lowo geeshsha jawaato.

LUQAASI 9:2

Gordu Gashshooti gamba yiinota manna baalaho kultanno gedenna dhiwantinore hursitanno gede soyinsa.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

ROOMU SOKKA 14:17

Maganu Gashshooti, Qullaawu Ayyaani aanno keeraanchimmaati, keereetinna hagiirreeti ikkinnina, itunna agu haja di"ikkino.

QOLASIYAASI SOKKA 1:13

Isi tunsichu gashshooti giddonni fushshe, baxannohu Beettisi gashshooti giddora eessinonke.

IBIRAAWOOTA 12:28

Kunnira, ninke shafamannokki gashshoote ragi'neemmo daafira Magano galaxxineemmo. Hagiidhanno garinni ayirrinyunninna waajjatenni magansi'nosi.

UMI YOHAANNISI 3:8

Daawuloosi bi'renni cubbo loosannoha ikkino daafira, cubbo loosannohu Daawuloosiho. Maganu Beetti dayinohu Daawuloosi looso diigaraati.