MAATEWOOSI 12:27 - Qullaawa Maxaafa

²⁷ Anino durriisa fushsheemmohu durriisu roorrichi wolqanni ikkiro, ki'ne hooderi mayi wolqanni fushshitannoyya? Kunnira, hoode'neri ki'ne aana yoo yitanno.

MAATEWOOSI 12:27 ပူးပေါင်းရင်းမြစ်များ

MAATEWOOSI 10:25

Kunni daafira, rosaanchu rosiisaanchisi gedeeha, soqqamaanchuno biilisi gedeeha ikkiro ikkannosi. Minu anna, ‹Be"eeli Zebuuli› yituro, ayiddesi hiitto hakkiinni roore yaa hoogganno!» yii.

MAATEWOOSI 4:24

Duduwisi Sooriyu gobba baala iillino daafira, addi addi dhibbinninna dhiddonni qarrantinore, durriisu ganinore, hawwunatu noonsarenna laanshaabbinore baala Yesuusiwa haadhe abbitu; isino baalanka hursi.

MAATEWOOSI 9:34

Farisootu kayinni, «Isi durriisa fushshannohu durriisu roorrichi wolqanniiti» yitu.

LUQAASI 11:19

Ani durriisa Bielizebuuli su'minni fushsheemmoha ikkiro, ki'ne hoode hadhannori hiitto assite fushshitannoyya? Kunnira ki'ne, hoode'ne hadhannori yoo yitanno'ne.

LUQAASI 19:22

Mootichisi qole, ‹Ati bushu soqqamaanchi, ati coyi'rootto coyinni yoo yeemmohe. Ani wodhoommokkiha adheemmoha, wixi'roommokkiha mixxeemmoha kaajjado mancho ikkoommota afittona,

ROOMU SOKKA 3:19

Seeru hajajo Seeru anga galtannorira ikkitinota egenninoommo. Kunni daafira mannu ku'le gatannore hooge sammi yaanno; alame baala Maganu yoo angara higganno.