MAATEWOOSI 12:25 - Qullaawa Maxaafa

²⁵ Yesuusi wodaninsata afe, «Isiniiwa gosooma baxxanno gashshooti uwanno. Mittu katami giddo hee'rannohu woy mittu mini mannino babbaxxannoha ikkiro hee're diafanno.

MAATEWOOSI 12:25 ပူးပေါင်းရင်းမြစ်များ

UMI MOOTOOLLA 16:21

Hatte yannara Israeelete manni lamewa baxxe, mittu widi Ginaati beetto Tibini moohisi'rara hasi'rita, gamisu widi kayinni Omiiri baxino.

FAARSO 139:2

Ati asseemmore baala egennootto; hedo'ya baala xeertote heedhe afatto.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 17:10

«Ani Kaaliiqi kayinni, mannaho ha'rinshosinna qaafosi garinni loosisita aate, mannunniha wodananna, hedosi baala fonqole laeemmo.

AMOOTSI 4:13

Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

MAATEWOOSI 9:4

Yesuusi giddonsata afe, «Konne busha coye wodani'nenni mayira heddinanni?

MAARQOOSI 2:8

Hakkawoyintenni Yesuusi giddonsata afe, «Wodani'nenni konne coye mayira heddinanni?

YOHAANNISI 21:17

Sayikkimeeshshono, «Yoona beetto Simiooni, baxattoeni?» yii. Sayikkimeeshsho, «Baxattoeni?» yiino daafira Pheexiroosi dadille, «Mooticha'ya, ati wo'manka coye egennootto; ani baxeemmohetano afootto» yii. Yesuusino, «Ge'reewo'ya allaali!

UMI QORONTOOSI 2:11

Manchu giddo noo hedo, giddosi noo ayyaana agurranna afannohu ayino dino. Maganu Ayyaana agurranna Maganu hedono afannohu dino.

GALATIYU SOKKA 5:15

Ki'ne mimmiti'ne ledo itantinanniha ikkiro kayinni, mimmito'ne adhitine ba'inannikki gede agadhe!

IBIRAAWOOTA 4:13

Maganu albinni go'lanno kalaqami mittuno dino. Isi illera baalunkuri xawoho reqecci yee leellanno; ninkeno xa'mannonke coyira dawaro qolleemmohu isiraati.

YOHAANNIS AJUUJA 16:19

Jawu Baabilooni katami sasewa beehami; gobba baalate katamma diigantu. Maganu bati'ru Baabiloonire hawinokki daafira, hanqisi woyine wonshinoonni finiinchira aganno gede assi.

YOHAANNIS AJUUJA 2:23

Oososeno reyotenni qorichisheemmo; beetekiristaanna baala, mulenna mudukko laeemmo Magano ikkoommota affanno. Mittu mittunkura loosi'ne garinni eemmo'ne.