MAATEWOOSI 12:18 - Qullaawa Maxaafa

¹⁸ «Doodhoommohu soqqamaanchi'ya konneeti. Isi ani baxeemmohonna hagiidheemmoho. Ayyaana'yano isi aana woreemmo; isi gosate ane yoo kulanno.

MAATEWOOSI 12:18 ပူးပေါင်းရင်းမြစ်များ

FAARSO 89:19

Bi're ammanantino soqqamaanokkira, ajuujatenni coyi'dhanni, «Gashshoote'ya bareedu anga woroommo; mannu mereerinni doodhoommoha gotti gotti assoommosi.

ISAYAASI 11:2

Kaaliiqi Ayyaani isi aana fooliishshi'ranno; hayyotenna wodanchate Ayyaani, amaaletenna wolqate Ayyaani, egennotenna Kaaliiqa waajjate Ayyaani isi aana hee'ranno.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 52:13

Kaaliiqi, «Soqqamaanchi'yara assannori baalu qinaannosi; lowo ayirrinyeno afi'ranno.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 62:2

Daga keeraanchimmakki la'anno; mootoollano ayirrinyekki affanno. Ateno Kaaliiqi fushshinohehunni, haaru su'minni woshshinannihe.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

ZAKKAARIYAASI 3:8

Qeesootu qara Iyyaasu, Macciishshi! Ki'neno ledosi soqqantinannirinna albillittete ikkannorira, danchu coyi malaate ikkitinoonniri konne coye wodanche; kuneeti, «Sina» yine woshshinanniha soqqamaancho'ya leellisheemmo.

MAATEWOOSI 12:17

Kuni ikkinohu himanaanchu Isayaasi widoonni kulloonni himani wo'manno gedeeti:

MAATEWOOSI 17:5

Pheexiroosi hatto yee coyi'ranni hee'reenna, xawanno gomichi daye golinsa; gomichu giddonni, «Hagiirsiisannoehu, baxeemmohu Beetti'ya konneeti; isi yaannota macciishshe!» yitanno huuro daggu.

MAARQOOSI 1:11

Hakko mereero, «Hagiirsiisattoehu baxeemmo Beetti'ya ateeti» yitanno huuro gordunni daggu.

MAARQOOSI 9:7

Hakka woyite gomichu daye golinsa; gomichu giddonni, «Baxeemmohu Beetti'ya konneeti; isi yaannota macciishshe!» yitanno huuro daggu.

LUQAASI 23:35

Lowo manni uurre la"anni no. Yihudu roorrooti, «Wole gatisino; isi Maganu doorinoha Kiristoosa ikkinoro hanni umosi gatisossiyya» yitanni masifattusi.

LUQAASI 3:22

Qullaawu Ayyaani lembooli daninni aanasi dirri. Hatte yannara, «Baxeemmohu Beetti'ya ateeti; Ani atenni hagiidheemmo» yitanno huuro gordunni daggu.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

LUQAASI 9:35

Gomichu giddonni, «Doodhoommohu Beetti'ya konneeti; isi yaannota macciishshe!» yitanno huuro daggu.

YOHAANNISI 3:34

Maganu Ayyaanasi qircikkinni aannosi daafira, Maganu soyinohu Maganu qaale coyi'ranno.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

SOQQAMAASINETE LOOSO 11:18

Insa konne coye macciishshitu yannara qoltannore hoogge Magano galattanni, «Xa Maganu dagate nafa aagintaabbe heeshsho afidhanno kaayyo uyinonsa» yitu.

SOQQAMAASINETE LOOSO 14:27

Martinowa ammanaano gamba assite, Maganu insa widoonni qole loosino loosonna dagate ammanate doogo asse faninonsa gara kultu.

EFESOONI SOKKA 1:6

Baxannoha Beettosi calla uyinonketera ayirrado eltosi daafira Magano galanto!

QOLASIYAASI SOKKA 1:1

Maganu hedonni Yesuusi Kiristoosi soqqamaasincho ikkoommohu ani Phaawuloosinna rodiinke Ximootewoosi,

QOLASIYAASI SOKKA 1:13

Isi tunsichu gashshooti giddonni fushshe, baxannohu Beettisi gashshooti giddora eessinonke.

UMI PHEEXIROOSI 2:4

Kunnira heeshshote kincho ikkinohuwa Mootichu Yesuusiwa shiqqe; kuni kinchi mannu mishe agurinoho; Maganu kayinni doorinosihonna ayirrisinosiho.

LAYINKI PHEEXIROOSI 1:17

«Baxeemmohu beetti'ya konneeti; isi yaannota macciishshe» yitanno huuro jawu ayirrinyisiwiinni daggusi yannara, ayirrinyenna gaacheena adhino.