MAATEWOOSI 11:5 - Qullaawa Maxaafa

⁵ Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAATEWOOSI 11:5 ပူးပေါင်းရင်းမြစ်များ

LAYINKI MOOTOOLLA 5:14

Ni"imaanino Maganu manchi kulinosi garinni Yordaanoosi Wayi laga dirre 7 hige lixe fulanni hayishshi'ri; dhibbisinnino huri; manninatisino qaaqquullunnihu gedeeha ikki.

LAYINKI MOOTOOLLA 5:7

Israeelete mooteno borrote sokka nabbabanni hee'renni mase uddanosi dare, «Sooriyu moote konne mancho hurseemmo gede hiitto asse hedanno? Ani gatisatenna shaate Magano ikkeennaatini konne mancho hursammora soyinoehu? Togo assinohu ane hasiisara yeeti!» yii.

FAARSO 146:8

Ballootaho ille fananno; ubbinore kayisanno; halaalaancho manna baxanno.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

FULO 4:11

Kaaliiqino qole Musera, «Mannaho afoo kalaqinohu ayeti? Danqicha woy macciweelo, illete afannohanna illiweelo kalaqinohu ayeti? Konne baalanka assoommohu ane Kaaliiqa di"ikkoommo?

ISAYAASI 29:18

Hatte yannara macciweelootu nabbambanninsa maxaafa macciishshitanno. Tunsichoho heedhanno illiweelooti illensa fa'niteenna la'anno.

ISAYAASI 29:19

Jooguullunna gadadaammu Israeelete Qullaawa ikkinohunni Kaaliiqinni hagiidhitanno.

ISAYAASI 43:8

Kaaliiqi, «Ille heedheennanni la"annokkiha, macca heedheennanni macciishshannokkiha manna'ya, yoote dargira woshshe!

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ZAKKAARIYAASI 11:7

Ge'reewo hirtannoriranna hidhitannorira kiranya ikke gorrinara worroonni ge'reewo allaaleemmoha ikkoommo; 2 siqqo fushshi're, mitte, «Elto» yee, layinkita, «Mittimma» yee su'mise, ge'reewo seekke allaaloommo.

MAATEWOOSI 10:8

Dhiwantinore hurse; reyitinore kayisse; taraawannoha gogu dhibba afidhinore keereense; durriisano fushshe. Calla adhitinoonnire calla uuyye.

MAATEWOOSI 11:4

Yesuusino, «Hadhine Yohaannisira la'inoonnirenna macciishshitinoonnire kullesi.

MAATEWOOSI 12:13

Hakkunni gedensaanni Yesuusi anga laanshaawino mancho, «Angakki diriirsi!» yiisi. Isino anga diriirsi'rita, angasi hurte te'enne gedee fayyaaleette ikkitu.

MAATEWOOSI 21:14

Yesuusi Qullaawa Mine hee're illiweelootunna naafootu isiwa daggeenna hursinsa.

MAATEWOOSI 5:3

«Ayyaanunni buxxinori ba'raadhinoreeti; gordu gashshooti insahona.

MAATEWOOSI 9:30

Illensano fa'nitu. Yesuusino, «Konne coye ayerano kultinoonte!» yee duu're dhaaminsa.

MAARQOOSI 7:37

Macciishshituri lowo geeshsha maala'lite, «Isi baala coye seekkino. Macciweelu maccatenni afanno gede, danqichuno coyi'ranno gede assanno» yitu.

MAARQOOSI 9:25

Yesuusi mannu hooramanni isiwa hige daannota afe, busha ayyaana, «Ati macciweelunna danqichu ayyaani, beettuwiinni fulatto gedenna layinkita eattokki gede hajajeemmohe!» yee rufi.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

YOHAANNISI 10:25

Yesuusi qole, «Ani kuloommo'ne; ki'ne kayinni diammantinanni. Anni'ya su'minni looseemmo loosi anere farci'ranno.

YOHAANNISI 10:38

Anni'ya looso looseemmoha ikkiro kayinni, ane ammana hoogginirono, looso'ya ammanne. Kunni garinni Anni'ya anenni nootanna anino Anni'yanni noommota egentinanni» yiinsa.

YOHAANNISI 2:23

Agure Sa"ate Ayyaani yannara Yesuusi Yerusaalamete assino maalale lae lowo manni ammanisi.

YOHAANNISI 3:2

Kuni manchi hashsha Yesuusiwa daye, «Rosiisaancho'ya, Maganu ledo hee'ra hoogiro tenne ati assatto maalale asse afannohu mittuno dino. Kunnira, ati Maganuwiinni dayotto rosiisaancho ikkoottota anfoommo» yii.

YOHAANNISI 5:36

Anera kayinni Yohaannisita roortino farci'ra nooe; farci'ra'yano Anni'ya loosammora uyinoe loosooti. Kuni looseemmo loosi, Anni'ya soyinoe gede anere farci'rannoho.

YOHAANNISI 9:7

Hakkiinni, «Cuuammanniwa Selihoomi marte hayishshi'ri!» yiisi. (Selihoomi yaa Sonkoonniho) yaate. Manchuno ha're hayishshi're la"anni higi.

SOQQAMAASINETE LOOSO 2:22

«Israeelete manna! Konne qaale macciishshe; affininte gede Naaziretete Yesuusi ewelumma, Maganu Isi widoonni qole giddo'ne assinohu jawu coyi, maalalenna dhagge xawo fultino.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?