MAATEWOOSI 11:28 - Qullaawa Maxaafa

²⁸ «Ki'ne daafurtinoonniri, duhu ayirrino'neri baalu anewa amme! Ani fooliishshiisheemmo'ne.

MAATEWOOSI 11:28 ပူးပေါင်းရင်းမြစ်များ

IYYOOBI 14:1

«Mannu heeshsho haranchote; iseno qarru wo'minote.

IYYOOBI 5:7

Xoxinu giirate aaninni ka"annonte gede, mannuno hatto qarraho ilamino.

FAARSO 116:7

Kaaliiqi danchare assinohe daafira, lubbo'ya, xaanni fooliishshi'ri!

FAARSO 32:4

Kaaliiqa'ya, hashshanna barra hanqikki aana'ya noo daafira, arru mooshshino haqqe gede jawaante'ya co'o yite gooffu.

FAARSO 38:4

Cubbi'ya lolahu gede egemminoe; lowo duhi gede ayirrinoe.

FAARSO 94:13

Bushuulleho bale umma geeshsha, iso qarru barra fooliishshiishattosi.

ROSIISAANCHO 1:14

Kalqete aanaanni ikkino coye baala laoommo. Ikkollana baalunkuri haafaho; diilallo cu'mate gedeeti.

ROSIISAANCHO 1:8

Baalunku coyi daafursannoho; tenne mannu tire coyi'ra didandaanno. Ille la'e diduubbanno; maccano macciishshite dibagganno.

ROSIISAANCHO 4:8

Callisi hee'rannoha mitto mancho afoommo. Ila woy rodoo diafi'rino; loosisi kulle didandiinanniho; noosi jirono illesi la'e diduubbino. «Togo daafureemmohu ayeraati? Umo'ya hagiirruwiinni mayira hooleemmo?» yee diegennino. Kunino haafaho; wottote heeshshooti.

ISAYAASI 1:4

Ki'ne cubbaataame gosara, sao batidhino'ne dagara, bunshe loossinanni ilamara, ragimale heeshsho heedhinannirira aanne'e! Ki'ne ane Kaaliiqa Israeelete Qullaawa gibbine, badhe wodhitinoonnie.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

ISAYAASI 28:12

Isi, «Wo'ma fooliishshonna harshammo eemmo'ne» yiino. Ki'ne kayinni isi yiinota dimacciishshitinoonni.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 31:25

Daafurtinorira wolqa haaroonseemmonsa; hudidhinorira sagale duushsheemmonsa.

ERMIYAASI 35:16

Rekaabi beetti Iyonaadaabi sirchi anninsa hajajinonsa hajajo wonshitinona, ki'ne manni'ya kayinni anera dihajajantinoonnie.

ERMIYAASI 6:16

Kaaliiqi Israeelete mannira, «Lame doogo xaaddannowa uurritine la'e! Albitinna woyyitanno doogo hiittenneetiro xa'mitine affe! Affinihu gedensaanni, hattenne doogo higgine hadhe! Lubbo'nera fooliishsho afidhinannina» yiinsa. Mannu kayinni, «Tenne doogo hinge diha'neemmo» yii. Kaaliiqi,

MAATEWOOSI 11:29

Qambara'ya qoti'nera dukke; anewiinni rosse. Ani joogahonna shaqqadoho; lubbo'nerano fooliishsho afidhinanni.

MAATEWOOSI 23:4

Mannaho qarrisannohanna lowo duha usurte duhisiissanno. Insa kayinni qubbichinsanni nafa kisa dihasidhanno.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

SOQQAMAASINETE LOOSO 15:10

Hatto ikkina, annuwankeno ninkeno duha dandiinoommokki duha ammanaasinete haxora woratenni Magano mayira jiffinanni?

SOQQAMAASINETE LOOSO 20:35

Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii.

GALATIYU SOKKA 5:1

Wolaphine hee'neemmo gede Kiristoosi borojjimmatenni fushshinonke. Kunnira, kaajjitine uurre! Galagaltine borojjimmate qambari giddora e'inoonte.

LAYINKI TESELONQE 1:7

Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

IBIRAAWOOTA 4:1

Kunnira, isi aannonketa fooliishshote gobba eate afi'noommo hexxo xaa geeshsha noo daafira, ki'ne giddonni ayino fooliishshote gobba eate wolqa hoogannokki gede, baalunku waajjatenni agadhino.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.