MAATEWOOSI 11:21 - Qullaawa Maxaafa

²¹ «Koraaziinira aanne'e; Beetesayidaho aanne'e; ki'ne giddo assinoonni maalale Xiroosinna Sidooni katammara assinoommero, hakkiicho hee'ranno manni xiddu uddano uddi're, buluulo aanaho giggishshi're, bi're albanni aagintaawe higinohu baino.

MAATEWOOSI 11:21 ပူးပေါင်းရင်းမြစ်များ

IYYOOBI 42:6

Kunnira, coyi'roommo coyi baalu, ane umo'ya saalfachishinoe. Kunni daafira, buluulunna bukote aana ofolle aagintaaweemmo» yii.

ERMIYAASI 13:27

Ani giweemmo coye assoottata afoommo. Manni galte dooyyanno manchinna iyyanno wodali gede, ilaallatenna gattate dagate maganna hoode ha'roottata afoommo. Yerusaalame atera aanne'e! Ati mamaro keeraa'matta ikka?

IYUEELI 3:4

«Ki'ne Xiroosi, Sidoonanna Filisxeemete ga're baala, ane aana ma"assitinara heddinoonni? Ani assoommo coyira rabbisidhinara hasidhinoonnini? Tenne heddinoonniha ikkiro, ani rahotenni balaxe rabbisi'reemmo'ne.

AMOOTSI 1:9

Kaaliiqi, «Xiroosi manni marro marro hige loosino cubbi daafira, mararro nookki kaajjillinni qorichishummokkinni diagureemmo. E'inoha rodiimmate gondooro diigge qafaddino manna Edoomira sayisse uyitino.

MAATEWOOSI 11:22

Kunnira, kuleemmo'nena yoote barra qorichu ki'nenni roore Xiroosinna Sidooni mannira shotannonsa.

MAATEWOOSI 15:21

Yesuusi hakkiinni kae, Xiroosinna Sidoonu katamma ha'ri.

MAATEWOOSI 18:7

Qoleno, «Manna cubbu giddora eessitanno alamera aanne'e! So'risiisanno coyi dayikkinni digatanno. Ikkollana so'risiisannori daanno gede doogo fanannohura aanne'e!

MAATEWOOSI 26:24

Manchi Beetti alba yine borreessinoonni garinni reyanno; Manchi Beetto sayise aannohura hakko manchira kayinni aanne'e! Hakku manchi ilama hoogoommero woyyannosihu baino» yii.

MAARQOOSI 3:8

Loosino dhagge macciishshite, Yihudunni, Yerusaalametenni, Edoomi gobbanninna Yordaanoosi Wayira soojjaatoonni noo gobbanni, Xiroosinninna Sidoonunni kiiro batinyu manni isiwa dayi.

MAARQOOSI 6:45

Hakkawoyintenni Yesuusi manna ha'risa geeshsha, rosaanosi yowolote ofolte balaxxe widira Beetesayida fultanno gede hajajinsa.

MAARQOOSI 7:24

Yesuusi hakkiinni kae, Xiroosinna Sidoona gobba ha'ri. Marino mine mannu afannosikki gede hasi'rino; ikkollana maaxama didandiino.

MAARQOOSI 7:31

Yesuusi Xiroosi gobbanni agure ha'ri. Sidoonu widoonni hige, «Tonne Katamma» yinanniwa Galiilu Baari mulira dayi.

MAARQOOSI 8:22

Beetesayida yinanni qacha iillituta, mannu mitto illiweelo mancho Yesuusiwa haa're abbi. Angano aanaho worannosi gede Yesuusa huucci.

LUQAASI 4:26

Ikkollana, Eeliyaasi Sidoonu gobbara Seraphitu qachira noo gunnitewa ikkinnina wolootunniwa disonkoonnisi.

LUQAASI 6:17

Yesuusi soqqamaasinesi ledo ilaalunni dirre xawoho uurri. Hakkiicho rosaanosi, Yihudunni, Yerusaalametenni, baaru gami katamma Xiroositenninna Sidoonunnitenni dayinohu lowo manni no.

LUQAASI 9:10

Soqqamaasine soyinowiinni galagalte higge, assitinore baala Yesuusira kultusi. Isino Beetesayidu katami mule mannu nookkiwa calluwansa haa're ha'ri.

YOHAANNISI 1:44

Filiphoosino Indiriyaasinna Pheexiroosi gede Beetesayidu Katamiho.

YOHAANNISI 12:21

Insa Galiilaho Beetesayidu manchiwa Filiphoosiwa shiqqe, «Mooticha, Yesuusa la'nammora hasi'noommo» yitu.

SOQQAMAASINETE LOOSO 12:20

Heeroodisi Xiroosinna Sidoonu mannira lowo geeshsha hanqe no. Insa mitteenni dagge mootete ledo gashshaanchi Bilasixoosi mootete ledo araarsannonsa gede xa'midhu. Isino maahoyye yiinsahu gedensaanni moote araara xa'midhu. Hatto assitinohu gobbansa sagale afidhannohu mootete gashshooti giddonni ikkinohuraati.

SOQQAMAASINETE LOOSO 27:3

Layinki soodo Sidoona iillinummo. Yuliyoosi Phaawuloosi mararino daafira, jaallasiwa mare Phaawuloosira hasiisannosire kaa'litannosi gede assi.

YIHUDA 1:11

Qaayeeli doogo hadhinona, woxeho yite Beleaami so'ro giddo ubbinona, Qore gede qoxxissanno daafira ba'annona insara aanne'e!

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.

YOHAANNIS AJUUJA 6:12

Leelki sumuda tiri woyiteno laummo. Hatte yannara baatto milli yitu; arrishshono xitu gede kolishshidhu; aganuno co'o yee mundeete gede duu'mi.