MAATEWOOSI 10:8 - Qullaawa Maxaafa

⁸ Dhiwantinore hurse; reyitinore kayisse; taraawannoha gogu dhibba afidhinore keereense; durriisano fushshe. Calla adhitinoonnire calla uuyye.

MAATEWOOSI 10:8 ပူးပေါင်းရင်းမြစ်များ

ISAYAASI 55:1

Kaaliiqi, «Ki'ne goodhinoonniri baalu wayinniwa amme! Woxu noo'nekkiri daggine calla hidhitine itte! Daggine mittoreno uyitinikkinni, woxiweello adonna woyinete xajje hidhe.

KIIRO 18:7

Ikkollana kakkalote darginna Qullaawu Holgi giddo soqqansho baala qeesimmatenni soqqantinanniri ateetinna oosokkiiti. Qeesimmate soqqansho ki'nera afansha asse oommo'ne. Ki'ne agurranna hakkiichira shiqqi yaannohu reyanno» yiisi.

MAATEWOOSI 10:1

Yesuusi tonaa lamenka rosaanosi isiwa woshshe, busha ayyaana fushshatenna addi addi dhibbanna dhiddo baala hursate roorre uyinsa.

MAATEWOOSI 10:7

Hadhine, ‹Gordu Gashshooti gamba yiino› yitine kulle.

MAATEWOOSI 10:9

Qoraho culka, birra, woy saante wodhitinoonte.

MAARQOOSI 16:18

Hamaso amadduro woy shaannore agguro nafa horonta digawajjannonsa. Dhiwantinorira angansa aanaho worturo, dhiwantinori hurtanno» yii.

LUQAASI 10:9

Hakko katami giddo noo dhiwamaasine hurse; mannahono, «Maganu gashshooti ki'newa gamba yiino» yitine kulle.

SOQQAMAASINETE LOOSO 3:6

Pheexiroosi kayinni, «Woxunna culku dinoe; nooeha kayinni eemmohe; Naaziretennihu Yesuusi Kiristoosi su'minni ka'e ha'ri!» yiisi.

SOQQAMAASINETE LOOSO 4:30

Qullaawu soqqamaanchikki Yesuusi su'minni dhiwantinori hurtara, dhaggenna maalale assitanno gede angakki diriirsi» yite huuccidhu.