MAATEWOOSI 10:28 - Qullaawa Maxaafa

²⁸ Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

MAATEWOOSI 10:28 ပူးပေါင်းရင်းမြစ်များ

LAYINKI MOOTOOLLA 17:39

Ane Magano'ne Kaaliiqa magansidhe; anino diini'ne anganni gatiseemmo'ne» yee hajajinonsa.

IYYOOBI 37:24

Isi, ‹Ninke egennaammaho› yitannore naadannonsakki daafira, mannu baalu waajjannosi» yii.

FAARSO 119:120

Ate waajjatenni kainohunni mannimma'ya huxidhino; yookkino lowo geeshsha waajjoommo.

ROSIISAANCHO 5:7

Haaqeete batinyinna coyi batinyi haafaho. Kunnira Magano ayirrisi.

ISAYAASI 51:12

Kaaliiqi, «Wodana'ne diggi asseemmohu aneeti; hayissote gede rahe moolannohanna, reyara noo manna mayira waajjitinanniyya?

ISAYAASI 51:7

«Ki'ne halaalaancho coye egentinoonnirinna, seera'ya wodani'nera wodhitinoonniri, ani yeemmota macciishshe"e! Mannu mishanno'ne woyite waajjitinoonte; xonneenna'neno massinoonte.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

MAATEWOOSI 10:26

Yesuusi qole, «Kunni ka'a insa waajjitinoonte. Maanxoonnihu leellikkinni digatanno. Go'linohuno xawo fulikkinni dihee'ranno.

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

MAATEWOOSI 5:22

Ani yeemmo'neti kayinni: rodiisira hanqanno baalira yoo yinanni. Qoleno rodoosi, ‹Tidhoottori nookkihu› yee xonannohu baalu songote albira shiqeenna aanasi yoo yinanni. ‹Mullu gowwi› yee xonannohano gaannaamete giira agartannosi.

YOHAANNISI 5:29

Dancha loossinori reyotenni ka'e lubbotenni heedhanno; busha loossinori kayinni reyotenni ka'eenna, busha yoo yinanninsa» yii.

SOQQAMAASINETE LOOSO 21:13

Phaawuloosi kayinni, «Wi'litinanni wodana mayira daaqissinannie? Ani Mootichu daafira Yerusaalamete usurama calla ikkikkinni reyote nafa qixxaawe noommo» yiinsa.

IBIRAAWOOTA 10:31

Heeshshote Magani anga rabbannite aana uwa lowo geeshsha waajjishshannote.

IBIRAAWOOTA 11:35

Meentu reyinohu fiixinsa reyotenni kaeenna afi'rino. Wolootu roore kao afi'rate yite, fafisidhe hee'ra gibbe gawajjante reyitino.

YAIQOOBI 4:12

Seera aannohunna yoo yaannohu mitto Magano callaho; gatisano hunano dandaannohu iso callaati. Anfina, manna bushiishattora isi ati ayeti?

UMI PHEEXIROOSI 3:14

Dancha coye assatenni qarra adhitiniro nafa, baraadhinoonni; waajjishiishshannoreno waajjitinoonte; yaaddinoonte!

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.