MAATEWOOSI 10:26 - Qullaawa Maxaafa

²⁶ Yesuusi qole, «Kunni ka'a insa waajjitinoonte. Maanxoonnihu leellikkinni digatanno. Go'linohuno xawo fulikkinni dihee'ranno.

MAATEWOOSI 10:26 ပူးပေါင်းရင်းမြစ်များ

LAWISHSHA 10:9

Taalu wodanihu yaaddo nookkiha ha'ranno; yawaawulu kayinni bunshesinni amadamanno.

LAWISHSHA 28:1

Bushu manchi shorrinikkinni xooqanno; keeraanchu kayinni doobbiichu gede bashshi assikkinni hee'ranno.

LAWISHSHA 29:25

Manna waajjannohu woshshaado eanno; Kaaliiqa addaxxannohu kayinni keere afi'ranno.

ROSIISAANCHO 12:14

Maganu baalanka coye, maaxaminohano ikkiro mannu looso baala, danchano bushano yoote shiqishanno.

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 41:14

Ati da'muulchu gedee wolqiweeli, ani kaa'leemmohena waajjitooti. Wodeemmohehu ani Kaaliiqaati; ani Israeelete Qullaawaati.

ERMIYAASI 1:8

Ani ledokki hee're agareemmohe daafira, manna horontanni waajjitooti; coyi'ranni noommohu ani Kaaliiqaati» yiie.

HIZIQEELI 2:6

«Kayinnilla koo mancho, haxawarroota ikkiturono, insa coyidhanno coyeno waajjitooti! Haxawarroota ikkitinohura utu, kokko'lunna iddu gede ikkite waajjishshuhero nafa horonta waajjitootinsa.

MAATEWOOSI 10:28

Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

MAARQOOSI 4:22

Hattono maanxoonnihu leellikkinni digatanno. Go'linohu xawo fulikkinni dihee'ranno.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

LUQAASI 8:17

«Maanxoonnihu leellikkinni digatanno. Go'linohu xawo fulikkinni dihee'ranno.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 4:13

Pheexiroosinna Yohaannisi waajjitukkinni coyidhino daafira, songite noori roso afidhinokkire mulla manna ikkitinota affino daafira maala'litu. Yesuusi ledo keeshshitinotano huwattu.

SOQQAMAASINETE LOOSO 4:19

Pheexiroosinna Yohaannisi kayinni, «Maganoho hajajama agurre ki'nera hajajama Maganu albaanni dancha coyetini? Hanni Ki'nenni yiiyye.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

UMI PHEEXIROOSI 3:14

Dancha coye assatenni qarra adhitiniro nafa, baraadhinoonni; waajjishiishshannoreno waajjitinoonte; yaaddinoonte!