MAATEWOOSI 10:25 - Qullaawa Maxaafa

²⁵ Kunni daafira, rosaanchu rosiisaanchisi gedeeha, soqqamaanchuno biilisi gedeeha ikkiro ikkannosi. Minu anna, ‹Be"eeli Zebuuli› yituro, ayiddesi hiitto hakkiinni roore yaa hoogganno!» yii.

MAATEWOOSI 10:25 ပူးပေါင်းရင်းမြစ်များ

LAYINKI MOOTOOLLA 1:2

Hatte yannara Akaaziyaasi Samaariyaho mootete minira iimaanni noo darginni uwe lowo geeshsha madi'ri. Kunnira dhiwame hee're, «Kunni dhibbinni gateemmoronna hoogeemmoro Filisxeemete katama Eqirooni martine maganonsa Bielizebuuli xa'mitine amme"e» yee manna soqqi.

MAATEWOOSI 12:24

Farisootu kayinni tenne macciishshite, «Isi durriisa fushshanni noohu, roorrichinsa Bielizebuuli wolqanniitilla» yitu.

MAATEWOOSI 12:27

Anino durriisa fushsheemmohu durriisu roorrichi wolqanni ikkiro, ki'ne hooderi mayi wolqanni fushshitannoyya? Kunnira, hoode'neri ki'ne aana yoo yitanno.

MAATEWOOSI 9:34

Farisootu kayinni, «Isi durriisa fushshannohu durriisu roorrichi wolqanniiti» yitu.

MAARQOOSI 10:39

Insano, «Ee, dandiineemmo» yitusi. Yesuusino, «Halaaleho, ani ageemmohura qarru finiinchira agginanni. Ani cuuameemmo cuuama cuuantine affinanni.

MAARQOOSI 3:22

Yerusaalametenni dagginori Muse Seeri rosiisaano, «Giddosi Bielizebuuli no. Durriisa fushshannohu durriisu roorrichi wolqanniiti» yite hasaabbu.

LUQAASI 11:15

Gamu manni kayinni, «Durriisa fushshinohu Durriisu roorrichi Bielizebuuli wolqanniiti» yitu.

LUQAASI 11:18

Sheexaanu gashshootino babbaxxannoha ikkiro, hiitto ikke hee'ra dandaanno? Ki'ne, ‹Isi durriisa fushshannohu Bielizebuuli wolqanniiti› yitinanni.

LUQAASI 11:19

Ani durriisa Bielizebuuli su'minni fushsheemmoha ikkiro, ki'ne hoode hadhannori hiitto assite fushshitannoyya? Kunnira ki'ne, hoode'ne hadhannori yoo yitanno'ne.

YOHAANNISI 10:20

Insa giddonni lowo manni, «Isira durriisu no; wodana difayyinona, isi yaannore mayira macciishshitinanni?» yitu.

YOHAANNISI 7:20

Mannu, «Giddokki durriisu no; shaahera hasi'rannohu ayeti?» yii.

YOHAANNISI 8:48

Ayihudootu, «Ati Samaarichaho; durriisuno noohe yaankera ninke digaraho?» yitu.

YOHAANNISI 8:52

Ayihudootu, «Durriisu nooheta xa anfummo; Abirihaami reyino; himanaanono reyitino. Ati kayinni, ‹Qaale'ya agadhannohu horonta direyanno› yaatto.