MAATEWOOSI 10:19 - Qullaawa Maxaafa

¹⁹ Yoote shiqishshanno'ne yannara, coyidhinannire hakka woyite kullanni'nena, ‹Ma coyi'neemmo woy ma garinni coyi'neemmo?› yitine yaaddinoonte.

MAATEWOOSI 10:19 ပူးပေါင်းရင်းမြစ်များ

FULO 4:12

Xa kai ha'ri! Ani ledokki hee're coyi'ra dandaatto gede asseemmohe; coyi'rattoreno kuleemmohena» yiisi.

FULO 4:15

Konne coye isira hasaawattosi; yaannoreno kulattosi; ani ki'ne lamunku ledo hee're, assitinannire baala kuleemmo'ne.

ERMIYAASI 1:7

Kaaliiqi kayinni, « ‹Ani shiimaho› yitooti. Ati ani soyemmohewalla ha'ratto; ani yuummohere baala mannaho kulatto.

ERMIYAASI 1:9

Hakkunni gedensaanni Kaaliiqi angasi diriirse suume'ya kise, «Kuneeti coyi'ratto qaale oommohe.

MAATEWOOSI 10:18

Ane daafira yitineenna gashshaanonniwanna mootoollanniwa yoote massitanno'ne daafira, insanna dagate albaanni farcidhinannie.

MAATEWOOSI 6:25

«Kunnira, ‹Ma inteemmo? Ma angeemmo? Ma uddi'neemmo?› yitine heeshsho'nera yaaddinoonte yeemmo'ne. Sagale lubbo, uddano mannimma diroortanno?

MAATEWOOSI 6:31

Kunnira, ‹Ma inteemmo? Ma angeemmo? Ma uddi'neemmo?› yitine yaaddinoonte.

MAATEWOOSI 6:34

Ga'a umisira yaadannona, ga'ara yaaddinoonte. Mittu mittunku barrira umisi qarri ikkannosi» yii.

LUQAASI 12:11

Xaadu minira haadhe hadhu'nero gashshaanotenna roorrootu albira massitu'nero, ‹Ma dawarreemmo? Hiitto assine coyi'neemmo?› yitine yaaddinoonte.

LUQAASI 12:12

Yitinannire hatte yannara Qullaawu Ayyaani kulanno'ne» yii.

SOQQAMAASINETE LOOSO 6:10

Isxifaanoosi coyi'ranni noo hayyo uyinosi Ayyaana gibburono iso kayinni ittisa didandiitino.

FILIPHISIYUSI SOKKA 4:6

Baalunku coyira galaxxitinanninna huuccidhinanni hasidhinoonni coye Maganoho ku'le ikkinnina, mittu coyirano yaaddinoonte.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.