MAATEWOOSI 1:12 - Qullaawa Maxaafa

¹² Baabilooni gosa Israeele qafadduhu gedensaanni, Yoakiini Salatiyaali ilino; Salatiyaali Zerubaabeeli ilino.

MAATEWOOSI 1:12 ပူးပေါင်းရင်းမြစ်များ

LAYINKI MOOTOOLLA 24:14

Nabukadanatsoori Yerusaalamete manna baala, olu hajajaanonna mootete ledo gashshaano, mitteenni 10,000 manna qafade haa're ha'rino. Insa ledo angate ogimma afidhinorenna siwiila tuntannore baala haa're ha'ri; dargaho noori nookki buxane calla gattino.

LAYINKI MOOTOOLLA 25:27

Moote Ewili-Merodaaki Baabilooni moohi yannara, Yoakiini qafadamihunni sajjiina lamalki diro, tonaa layinki aganira lemiina lamalki barra usurunni tirisi.

UMI DUDUWO 3:17

Qafadaminohunniti Yoakiini ilama: Selaatiyaali,

IZIRA 3:2

Iyotsedeqi beetti qeesichu Iyyaasu ledosi qeesooti ledonna Selaatiyaali beetti Zerubaabeelino fiixisi ledo Israeelete Maganiha kakkalote darga galagalchite seekkitu. Hakkunni gedensaanni, Maganu manchi Muse maxaafi seerunnihura borreessinoonni garinni kakkalo shiqishshu.

IZIRA 5:2

Konne himana macciishshituhu gedensaanni, Selaatiyaali beetti Zerubaabeelinna Iyotsedeqi beetti Iyyaasu Yerusaalamete nooha Maganunniha Qullaawa Mine galagalchite minate ka'u. Kaa'litannonsari lamunku Maganu himanaano ledonsa no.

NEHIMIYA 12:1

Selaatiyaali beetti Zerubaabeelinna Iyyaasu ledo qafadotewiinni higgino qeesootinna Leewaawooti kunninni aante nooreeti:

ERMIYAASI 22:24

Kaaliiqi Yoakiinira, «Yihudu moote Iyoaaqeemi beetto Yoakiini halaali'ya afanna mootimma'ya wolqaha qiniitichu angichi cuue'ya ikkittorono fushshe tugeemmohe.

ERMIYAASI 22:28

Anino, «Kuni manchi Yoakiini, hiiqqamino gambayichi gede, tugame gatasiitini? Isinna oososi egentinokki gobba, qafadante hadhuhu hada iseraatini?» yoommo.

ERMIYAASI 22:30

Kuni manchi ilaweelu gede ikke gatino; heeshsho qiniitinosikki manchooti. Daawiti gashshoote ragi're, ilasi giddonni Yihudaho moohannohu dihee'ranno. Konne coye coyi'roommohu ani Kaaliiqaati.

HAGE 1:1

Faarisi moote Daariyoosi moohihunni layinki diro, leelki agani eihunni umi barra, Kaaliiqi himanaanchu Hage widoonni qole coyi'ri; coyi'rinohuno, Yihudu gashshaanchira Shalitueeli beettira Zerubaabeeliranna qeesootu qarira Iyotsedeqi beetti Iyyaasuraati.

HAGE 1:12

Zerubaabeelinna Iyyaasu, qafadotenni higino manni baalunku, Maganinsa Kaaliiqi hajajinonsare baala assitu; Kaaliiqa waajjitino daafira, Kaaliiqi soqqamaanchisi himanaanchu Hage widoonni coyi'rino qaalira hajajantu.

HAGE 1:14

Kaaliiqi Yihudu gashshaancho Zerubaabeeli, qeesootu qara Iyyaasunna qafadotenni higino manna baala, Qullaawa Mine galagalchite mintanno gede kakkayisi; insano Olantote Mootichi Kaaliiqi Mine mina hanaffu.

HAGE 2:2

Yihudu gashshaanchira Zerubaabeelira qeesootu qarira Iyyaasuranna mannu baalunkura,

HAGE 2:23

Soqqamaancho'ya Zerubaabeeli! Hakko barra ani ate haa're ane su'minni gashsha dandaatto gede moohiseemmohe; ani ate dooroommohe; farrammannita roorrete cuuicho'yano woreemmohe» yaanno Olantote Mootichi Kaaliiqi.

MAATEWOOSI 1:11

Iyosiyaasi Israeele Baabilooni gobba qafadante hadhu waro Yoakiininna roduuwasi ilino.

MAATEWOOSI 1:13

Zerubaabeeli Abiyudi ilino; Abiyudi Eeliyaaqeemi ilino; Eeliyaaqeemi Azoori ilino.

MAATEWOOSI 1:17

Kunni garinni Abirihaaminni Daawiti geeshsha nooti 14 ilamaati. Daawitinni kayisse Baabilooni qafado geeshsha 14 ilamaati. Baabilooni qafadonni kayisse Kiristoosi ilama geeshshano 14 ilamaati.

LUQAASI 3:27

Yooda Yonaaniho, Yonaani Reesiho, Reesi Zerubaabeeliho, Zerubaabeeli Selatiyaaliho, Selatiyaali Neeriho,