MAATEWOOSI 1:11 - Qullaawa Maxaafa

¹¹ Iyosiyaasi Israeele Baabilooni gobba qafadante hadhu waro Yoakiininna roduuwasi ilino.

MAATEWOOSI 1:11 ပူးပေါင်းရင်းမြစ်များ

LAYINKI MOOTOOLLA 23:31

Iyoahaazi Yihudaho moohinohu 23 dirisinniiti. Yerusaalame teesso assi're 3 agana gashshino. Amasi Hamuxaali Libina Katami manchi Ermiyaasi ilinote.

LAYINKI MOOTOOLLA 24:14

Nabukadanatsoori Yerusaalamete manna baala, olu hajajaanonna mootete ledo gashshaano, mitteenni 10,000 manna qafade haa're ha'rino. Insa ledo angate ogimma afidhinorenna siwiila tuntannore baala haa're ha'ri; dargaho noori nookki buxane calla gattino.

LAYINKI MOOTOOLLA 25:11

Nabuzardaani katamaho gatte noorenna woloota, hattono gobbansa gibbe Baabiloonootu hale ikkitinore qafade haa're ha'ri.

LAYINKI DUDUWO 36:10

Badheessu agani dayita, moote Nabukadanatsoori Yoakiini usuranya asse Baabilooni haa're ha'ri; Qullaawu Miniha ayirrado uduunneno adhe ha'ri. Hakkunni gedensaanni Yoakiini wosiila Sedeqiyaasi Yihudahonna Yerusaalamete moohisi.

LAYINKI DUDUWO 36:20

Bagaduwiinni gattinore baala qafade Baabilooni haa're ha'ri. Hakku mannino Faarisi gashshooti geeshsha, Baabilooni gobbara borojje ikke Nabukadanatsooriranna sirchisira soqqamanni hee'rino.

ISAYAASI 13:1

Amootsi beetti Isayaasi, Kaaliiqi Baabilooni daafira kulanna macciishshino sokka aante noote:

ERMIYAASI 39:9

Hakkunni gedensaanni, agaraasinete roorrichi Nabuzardaani katamaho gatinohanna Baabiloonootu ledo karsamino manna Baabilooni haa're ha'ri.

DAANIEELI 1:2

Mootichu wore agurino daafira Nabukadanatsoori Yihudu moote Iyoaaqeemi qafadi. Maganu Miniha qullaawa uduunne gudhi; mito mito usuranyoota Baabiloonira kaphu maganna minira haa're ha'ri; haa're ha'rinoha qullaawa uduunne baalano kaphu maganna uduunni mine wori.

MAATEWOOSI 1:12

Baabilooni gosa Israeele qafadduhu gedensaanni, Yoakiini Salatiyaali ilino; Salatiyaali Zerubaabeeli ilino.

MAATEWOOSI 1:17

Kunni garinni Abirihaaminni Daawiti geeshsha nooti 14 ilamaati. Daawitinni kayisse Baabilooni qafado geeshsha 14 ilamaati. Baabilooni qafadonni kayisse Kiristoosi ilama geeshshano 14 ilamaati.