MAATEWOOSI 1:1 - Qullaawa Maxaafa

¹ Daawitinna Abirihaami sircho ikkinohu Yesuusi Kiristoositi ilamate kiiro aante noote.

MAATEWOOSI 1:1 ပူးပေါင်းရင်းမြစ်များ

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

KALAQAMA 2:4

Gordunna baatto kalaqantinohu kunni garinniiti. Kaaliiqi Maganu gordonna baatto kalaqi waro ikkino coyi kunninni aane nooho:

KALAQAMA 22:18

Anera hajajamoottohura baattote aana noo manni baalunku sirchikkinni maassamanno» yiisi.

KALAQAMA 5:1

Maganu manna kalaqi waro, danisinni, labbaahanna meyata asse kalaqino; maassi'rinonsa; su'mansano, «Manna» yee fushshino. Addaamiti ilamate sinna kawiinni aante noote:

FAARSO 132:11

Daawitira, «Ate gedensaanni oosokki giddonni mitticho moohiseemmo;

FAARSO 89:3

Atino, «Doodhoommohu ledo gondooro eoommo; borojjichi'ya Daawitira xaaroommo.

FAARSO 89:36

Sirchisi hegere hegerera moohanno; minisi gashshooti arrishsho heedhanno geeshsha keeshshanno.

ISAYAASI 11:1

Isseyi cifichi ciiranno; rumushshisi giddonni mittichu guma laalanno.

ISAYAASI 53:8

Qarrinse halaaleno beeshshine haa'ne ha'noonnisi; manninke cubbi daafira yeenna shinoonnisita, ilamate giddonni coyi'rannohu nooni?

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

ERMIYAASI 33:26

Hattonni Yaiqoobi sirchinna soqqamaanchi'ya Daawiti ledo eoommo gondooro wonsheemmo. Abirihaami, Yisihaaqinna Yaiqoobi sirchi aana moohannoha Daawiti sirchinni dooreemmo. Manna'ya galagalche marare qawaaxxi're hee'ranno gede asseemmo» yii.

AMOOTSI 9:11

Kaaliiqi, «Diigame uwino mini gede ikkinoha, Daawiti gashshoote galagalche uurriseemmo yanna dagganno. Huxxano dhaaweemmo; diigaminohano gatamareemmo; albi gede asse haaroonseemmo.

ZAKKAARIYAASI 12:8

Hatte yannara, Kaaliiqi Yerusaalamete heedhannorira go'linanni wonqo ikkannonsa; insa giddonni lowo geeshsha wolqiweeloho yinoonnihu nafa Daawiti gedee jawaata ikkanno. Daawiti sirchi Maganu gede woy Kaaliiqi sokkaasinchi gede ikke albisannonsa.

MAATEWOOSI 1:18

Yesuusi Kiristoosi ilaminohu kunninni aane noo garinniiti: Amasi Maariyaami Yooseefira huuccante heedhe adhantukkinni, Qullaawu Ayyaaninni godobbe noota anfi.

MAATEWOOSI 1:2

Abirihaami Yisihaaqi ilino; Yisihaaqi Yaiqoobi ilino; Yaiqoobi Yihudanna Yihudi roduuwa ilino.

MAATEWOOSI 15:22

Hakkiicho mitte Kana"aanitte mancho Yesuusiwa dagge, «Daawiti Beetto Mooticha, beetto'ya bushu ayyaani amadeenna shette noona ballo mararie!» yite huuccidhu.

MAATEWOOSI 3:16

Yesuusi cuuame kae wayi giddonni fulanni hee'reennanni, gordu fa'nameenna Maganu Ayyaani lembooli gede ikke dirre aanasi ofollanna afi.

MAATEWOOSI 9:27

Yesuusi hakkiinni kae ha'ranni hee'reenna lamu illiweelooti hoodesi hadhu. Insano, «Daawiti Beetto ballo mararinke!» yitanni raarte huuccidhu.

LUQAASI 1:33

Yaiqoobi minirano hegerera moohanno. Gashshootisira gawalo dino» yiise.

YOHAANNISI 7:42

Kiristoosi Daawiti sirchi giddo ilamannotanna Beetelihemetenni Daawiti kataminni fulannota Qullaawu Maxaafi dikulanno?» yitu.

SOQQAMAASINETE LOOSO 2:30

Ikkollana Daawiti konne coyi'rinohu, himanaancho ikkinohuraatinna Maganu, ‹Sirchikki giddonni mitto ate darga amadanno gede asseemmo› yiinoha hexxote qaale egennino daafiraati.

ROOMU SOKKA 1:3

Kuni Danchu Duduwi Maganu Beetti mannimmate danisinni, Daawiti sirchinni ilaminota kulanno.

ROOMU SOKKA 4:13

Maganu, Abirihaami sirchisi ledo tenne alame ragi'ranno gede hexxo uyinosihu, Seera agadhino daafira ikkikkinni amma'natenni afi'rino keeraanchimmanniiti.

ROOMU SOKKA 9:5

Insa albi annuwawiinni dagginoreeti. Kiristoosino maalunni dayinohu insawiinniiti; wo'munkura aliidi Magani Kiristoosi, hegere geeshsha galatamo! Hamii'ni.

GALATIYU SOKKA 3:16

Abirihaami sirchisira hexxo uyinoonnita afe, Maganu qaali lowo mannira coyi'noonnihu gede asse, «Sirchuwakkira» diyaanno. Mitto calla kullannihu gede, «Sirchikkira» yaanno. Hatto yinoonnihu Kiristoosaati.

UMI XIMOOTEWOOSI 2:5

Maganu mittoho; mereeroho hee're Maganonna manna araarsannohuno mittoho. Isino, manna ikkinohu Yesuusa Kiristoosaati.

LAYINKI XIMOOTEWOOSI 2:8

Reyotenni kainoha Daawiti sircho ikkinoha Yesuusa Kiristoosa qaagi. Ani lallaweemmohu Danchu Duduwino isooti.

YOHAANNIS AJUUJA 22:16

Yesuusi, «Ani konne coye farci'ranno gede sokkaasincho'ya beetekiristaannate soommo. Ani Daawiti rumushshootinna isi sirchooti; soodimaroho xawanno bakkalchooti» yii.