MAARQOOSI 8:34 - Qullaawa Maxaafa

³⁴ Hakkunni gedensaanni Yesuusi lowo manni ledo rosaanosi woshshe, «Hoode'ya ha'ra hasi'rannohu, umisire agure, masiqalasi duqqe hoode'ya dayo!

MAARQOOSI 8:34 ပူးပေါင်းရင်းမြစ်များ

UMI MOOTOOLLA 14:8

Gashshooteno Daawiti mininni dare atera oommohe. Ati kayinni co'o yiino wodaninni hajajo'ya agadhinohunna ani baxeemmo coye assinohu soqqamaanchi'ya Daawiti gedeeha di"ikkootto.

KIIRO 14:24

Soqqamaanchi'ya Kaaleebira kayinni baxxitino hedo noosi daafiranna co'o yiino wodaninni ha'runsinoe daafira, hattenne lae dayino gobba iillisheemmosi; sirchisino mare ragi'ranno.

MAATEWOOSI 10:38

Umisi masiqala duqqe hoode'ya daannokkihu aneha ikka didandaanno.

MAATEWOOSI 16:24

Hakkunni gedensaanni Yesuusi rosaanosi, «Ane hoode ha'ra hasi'rannohu umosi kaado; masiqalasino duqqe hoode'ya dayo!

MAATEWOOSI 27:32

Gashshaanchu hoowenni fultanni heedhe, Simiooni yinanniha Qereenu gobba mancho affe, Yesuusi masiqala duhanno gede qarrissusi.

MAARQOOSI 10:21

Yesuusi mancho lae baxe, «Mittu coyilla gatinohe; hadhe afi'roottore baala hirte woxe buxanete beehi; gordoho jiro afi'rattona. Hakkunni gedensaanni hoode'ya amo!» yiisi.

MAARQOOSI 7:14

Yesuusi xaano manna woshshe gamba asse, «Baalunku ani yeemmore macciishshitine wodanche!

LUQAASI 13:24

«Ruukkashsho waalcho higgine eate, wolqa'ne uyitu deerrinni jawaatte; kuleemmo'nena, hakko waalchi widoonni hige eate lowo manni hasi'ranno; ea kayinni didandaanno.

LUQAASI 14:33

Hattonni ki'ne giddo ayino afi'rinore baala ane daafira yee agura hoogiro, ane rosaancho ikka didandaanno» yii.

LUQAASI 18:22

Yesuusi tenne macciishshihu gedensaanni manchoho, «Mittu coyi gate noohe; hadhe afi'roottore baala hirte woxe buxanete beehi; gordoho jiro afi'rattona. Hakkunni gedensaanni hoode'ya amo!» yiisi.

LUQAASI 20:45

Mannu baalu macciishshanni hee'reenna Yesuusi rosaanosi,

LUQAASI 9:23

Baalunkura qole, «Hoode'ya ha'ra hasi'rannohu umosi aguro; barru barrunkunni masiqalasi duqqe hoode'ya dayo!

YOHAANNISI 10:27

Ge'reewi'ya huuro'ya macciishshanno; anino egennoommonsa; hoode'yano ha'ranno.

YOHAANNISI 19:17

Hakkunni gedensaanni Yesuusi masiqalasi duqqe, «Umu Qooncho» yinanni darga mari. Hakkonne darga Ibiraawootu afiinni, «Golgoota» yinanni.

SOQQAMAASINETE LOOSO 14:22

Martuwa baala ammanaano seejjitanninna jawaachishshanni, «Maganu gashshoote eate lowo qarra adha hasiissannonke» yitanni rosiissunsa.

ROOMU SOKKA 6:6

Cubbaataame mannimmanke ba'aranna cubbu borojje ikkankeno gattara, akkala mannimmanke Kiristoosi ledo sutantinota egenninoommo.

ROOMU SOKKA 8:17

Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo.

UMI QORONTOOSI 15:31

Roduuwa'ya, ane barru baala reyo agarte nooe. Konne coye kuleemmo'nehu, Mootichinke Yesuusi Kiristoosinni ki'ne addinta hawaqi'reemmo daafiraati.

UMI QORONTOOSI 8:13

Iteemmo sagale rodoo'ya sarraaqqe tuggannoha ikkiro, rodoo'ya cubboho tugammontenni maalu horo gatoe.

UMI QORONTOOSI 9:19

Ani ayerano borojjicho di"ikkoommo; ikkollana danduummo deerrinni lowo manna gatisatenna kaa'late yee lowo manni borojjicho ikkoommo.

GALATIYU SOKKA 2:20

Ani Kiristoosi ledo dawete aana sutame noommo; kunni ka'a ani dihee'reemmona ane giddo Kiristoosi hee'ranno. Xa hee'reemmo heeshsho baxannoehanna ane daafira lubbosi sayise uyinoha Maganu Beetto amma'natenni afi'roommote.

GALATIYU SOKKA 5:24

Kiristoosi Yesuusire ikkitinori maalansa yortonsa ledo suttino.

GALATIYU SOKKA 6:14

Alame ane reyinohu gede assite agurtinohu, anino alame reyitinohu gede asse aguroommohu, Mootichinke Yesuusi Kiristoosi masiqali ka'a wole adawarsha dihasi'reemmo.

FILIPHISIYUSI SOKKA 3:10

Qoleno, Kiristoosinna isita reyotenni ka"asi wolqa afammora, reyotennino iso lawatenna qarrasi beeqqate yeeti.

FILIPHISIYUSI SOKKA 3:7

Ikkirono, kaa'lannoe yee hedoommore baala, Kiristoosi daafira gawajjannori gede asse aguroommo.

QOLASIYAASI SOKKA 1:24

Xa ki'ne daafira yee adheemmo qarrinni tashshi yaannoe. Bisosi ikkitino beetekiristaanera Kiristoosi qarra beeqqatenni xeinoere maali'yanni wonsheemmo.

QOLASIYAASI SOKKA 3:5

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

LAYINKI TESELONQE 3:11

Togo yineemmohu ki'ne mereero mitu mitu cee'maleeyye noota macciishshinoommohuraati. Insa loosi'ra agurte wolu manni coyi giddora e'anni qaxxaamurtanno.

TIITO 2:12

Tini eltono ammana giwanna maalu yorto agurre umo qee'line, sumbetenninna ayyaanaame heeshshonni tenne gobbara hee'neemmo gede rosiissannonke.

IBIRAAWOOTA 13:13

Ninkeno qachunni fulle isiwa marre, shollinyesi beeqqino.

UMI PHEEXIROOSI 4:1

Kiristoosi manninatisinni qarra adhino daafira, ki'neno tenne hedo olu uduunnichi gede assitine qodhe. Manninatisinni qarra adhinohu cubbo loosa agurinona.

UMI PHEEXIROOSI 4:13

Hatteentenni, ayirrinyisi leellanno waro lowo geeshsha tashshi yaanno'ne gede, Kiristoosi qarra beeqqitinanni deerrinni hagiidhe.

LAYINKI PHEEXIROOSI 1:14

Mootichinke Yesuusi Kiristoosi kulinoe garinni ikkiro, tenne gobbanni rahe baxxeemmota afoommo.

UMI YOHAANNISI 3:16

Maganu baxilli ewelumma anfoommohu, Kiristoosi lubbosi sayise eennankeeti. Ninkeno lubbonke roduuwinke daafira sayinse aa hasiissannonke.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.