MAARQOOSI 7:4 - Qullaawa Maxaafa

⁴ Dikkotenni higganno woyiteno hayishshidhukkinni di"ittanno. Qolteno finiincho, maaqqe, gambayichonna daallasa hayishshi'rate woga noonsa.

MAARQOOSI 7:4 ပူးပေါင်းရင်းမြစ်များ

FAARSO 26:6

Kaaliiqa, beebbatewiinni xeerti'roommota egensiisate, anga'ya hayishshi'reemmo; ate magansi'rate kakkallanni darga mare doyemmo.

ISAYAASI 1:16

Haayishshidhine keeraabbe. Busha looso'ne baala albi'yanni hoolle. Sao assa agurre.

ERMIYAASI 35:5

Ani woyinete xajje wonshinoonni maaqquwanna finiinna albansaanni wore, «Hanni tenne woyinete xajje agge» yoommonsa.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

MAATEWOOSI 23:25

«Kine lawisiisaano, Seeru rosiisaanonna Farisootu, ki'nera aanne'e! Finiinchonna xilte iimiido seekkitine biifissinanni; giddo'ne kayinni xagarronna ufunimma wo'mitino.

MAATEWOOSI 23:26

Ati illiweelu Farisichi, balaxxe finiinchonna xilte giddoyido biifisi. Hatto assittoro gobbayidino biifinoha ikkanno.

MAATEWOOSI 27:24

Kunnira, Philaaxoosi kuni coyi canco ledannota ikkinnina woyyannori nookkita afe, waa abbisiisi're, «Kunni manchi reyo ane dihassanno. Ki'ne kayinni diagurtanno'ne!» yee mannu albaanni anga hayishshi'ri.

MAARQOOSI 7:8

Kunnira, ki'ne Maganu hajajo agurtine, mannu woga agadhitinanni» yii.

YOHAANNISI 2:6

Ayihudootaho keeraa'mate seeri noonsa daafira, hakkiicho lee kinchu googidda no; mitte mittenti lame woy sase gambayicho amaddannote.

YOHAANNISI 3:25

Kunnira, Yohaannisi rosaanonna mittu Ayihudichi keeraa'mate seeri daafira xa'mantu.

IBIRAAWOOTA 9:10

Kuni coyi haaroo'manno yanna dagga geeshsha, gobbayidi woga calla horoonsi'noonni. Tini woga itatenna agate, qoleno hayishshi'ne keeraa'mate daafira calla worroonnite.

YAIQOOBI 4:8

Maganunniwa shiqqi yiiyye; isino ki'newa shiqqi yaanno. Ki'ne cubbaataammu, anga'ne hayishshidhe! Ki'ne lame hedori, wodana'ne xaphi assidhe.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.