MAARQOOSI 5:23 - Qullaawa Maxaafa

²³ «Shiima qaaqqo'ya lowo geeshsha dhiwanteenna, reyote agarre hee'noonni. Ballo gatte lubbotenni heedhannoe gede marte angakki aanaho worise» yee huucci'ri.

MAARQOOSI 5:23 ပူးပေါင်းရင်းမြစ်များ

LAYINKI MOOTOOLLA 5:11

Ni"imaani kayinni hanqe, «Anera, isi daye Maganisiha Kaaliiqi su'ma woshshe, dhibbi'yara anga doyisse hursannoeha lawinoe.

FAARSO 107:19

Qarrinsa yannara, Kaaliiqiwa higge raartu; isino shettotenni gatisinsa.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

MAATEWOOSI 8:3

Yesuusino anga diriirse manchono amammade, «Baxoommohena huri!» yiisi. Manchuno hakkawoyintenni taraawannohu gogu dhibbinni huri.

MAARQOOSI 16:18

Hamaso amadduro woy shaannore agguro nafa horonta digawajjannonsa. Dhiwantinorira angansa aanaho worturo, dhiwantinori hurtanno» yii.

MAARQOOSI 5:24

Yesuusino kae ledosi ha'ri. Ha'ranni hee'reenna, ledosi noohu lowo manni doogote aana cifisi.

MAARQOOSI 6:13

Batinye durriisa fushshitu; lowo dhiwamaanono zayite buurte hursitu.

MAARQOOSI 7:32

Hakko hee'reenna mitto macciweelonna danqicha mancho isiwa haadhe abbite, anga aanaho woranno gede huuccidhusi.

MAARQOOSI 8:23

Hakka woyite Yesuusi illiweelo mancho anga amade, massage qachu gobbaanni fushshi. Illesira anja tufe, angasi aanaho wore, «Mitiri leellannoheri no?» yee xa'misi.

LUQAASI 13:13

Angasi aanase woreenna, hakkawoyintenni subbe uurritu; Maganono galaxxitu.

LUQAASI 4:38

Yesuusi xaadu mininni fulanni hee'renni, Simiooni minira ha'ri. Maranno woyite, Simiooni ballo iibbabbite goxxe no. Hursannose gedeno Yesuusira kultu.

LUQAASI 4:40

Arrishsho e'uta, mannu addi addi dhibbi amadinore baala haa're Yesuusiwa abbi. Isino mitto mittonka angasi aanaho wore hursinsa.

LUQAASI 7:12

Yesuusi katamu waalcho iilli yannara, mannu mittu beetti reeshsha duhe katamunni fulanni no. Kuni beetti amate afidhino mittooti. Iseno gunnittete. Katamunnihu lowo manni ledose no.

YOHAANNISI 11:3

Lamenti roduuwi, «Mooticha, ati baxattohu dhiwamino» yee Yesuusiwa soqqi.

SOQQAMAASINETE LOOSO 28:8

Hatte yannara Pupiliyoosi anni iibbabbisheennasinna godowa gobbara qolannasi dhiwame goxe no. Phaawuloosi isiwa shiqqi yee huuccatto assisi. Angano aanaho wore hursisi.

SOQQAMAASINETE LOOSO 6:6

Konne manna doorte soqqamaasinete albaanni uurrissu. Soqqamaasineno huuccatto assite, anga aanaho wortunsa.

SOQQAMAASINETE LOOSO 8:17

Kunnira Pheexiroosinna Yohaannisi anga aanaho wortunsata Qullaawu Ayyaani dirrinsa.

SOQQAMAASINETE LOOSO 9:12

Saawulino illesi fa'nitanno gede Hanaaniya daye anga aanaho worannasi ajuujatenni afi.

SOQQAMAASINETE LOOSO 9:17

Kunnira Hanaaniya hakkiichira mare isi noo minira ei. Angasino Saawuli aana wore, «Rodoo'ya Saawuli! Kawa dagganni heedheenna doogote aana leellihe Mootichi Yesuusi, galagalte la"a dandaatto gedenna Qullaawu Ayyaani wo'mannohe gede ane atewa soyinoe» yii.