MAARQOOSI 4:34 - Qullaawa Maxaafa

³⁴ Masalsikkinni mittoreno dirosiisinonsa. Rosaanosi calluwu noo woyite kayinni masalote tiro kulannonsa.

MAARQOOSI 4:34 ပူးပေါင်းရင်းမြစ်များ

MAATEWOOSI 13:34

Yesuusi konne baala coye mannaho masalsanni coyi'rino; lawishshiweello mittoreno dicoyi'rinonsa.

MAARQOOSI 4:10

Yesuusi callisi hee'reenna, rosaanosinna wolu manni coyi'rino masalo tiro maatiro xa'mitusi.

MAARQOOSI 4:33

Yesuusi mannu wodancha dandaanno deerrinni, lowotenni kunni gari masalsanni qaale kulinsa.

LUQAASI 24:27

Hakkunni gedensaanni Musenna himanaanote maxaaffanni kayise, Qullaawa Borro baalate giddo Isi daafira coyi'noonnire xawise kulinsa.

YOHAANNISI 10:6

Yesuusi tenne masalo kulinonsa; insa kayinni, yiinonsare dibuuxxino.

YOHAANNISI 16:25

«Konne coye maammaashshunni kuloommo'ne; kunni ka'a maammaashshunni coyi'reemmokki yanna dagganno. Ikkollana, Anni'yare xawise kuleemmo'ne.

SOQQAMAASINETE LOOSO 28:23

Xaaddanno barra amaxxite hadhe, kiirono lexxite isi noowa ka'e daggu. Isino soodinni hawarro geeshsha Maganu gashshootire farci'ranni hedosi xawise kulinsa. Insa ammanchiishate Muse Seerinna himanaanote borro giddo noo coye kulanni Yesuusire egensiisinsa.