MAARQOOSI 4:20 - Qullaawa Maxaafa

²⁰ Shaqqado baattora uwino wixi masalo kayinni, qaale macciishshite wodanchitannore kulanno. Kunni garinni mittu 30, mittu 60, mittu 100 guma laaltanno» yiinsa.

MAARQOOSI 4:20 ပူးပေါင်းရင်းမြစ်များ

KALAQAMA 26:12

Yisihaaqi hattenne gobbara jajja loosi'ri; Kaaliiqi maassi'rinosi daafira, hakko dironni 100 ero afi'ri.

MAATEWOOSI 13:23

Shaqqado baattora uwino wixi masalo kayinni, qaale macciishshite wodanchitannore kulanno. Kunni garinni mittu 100, mittu 60, mittu 30 guma laalanno» yii.

MAATEWOOSI 13:8

Wolu gumi dancha shaqqado baattora uwe mu'ri. Lophe dancha guma laali; mittu 100, mittu 60, mittu 30 laali.

MAARQOOSI 4:8

Wolu gumi dancha shaqqado baattora uwe mu'ri. Lophe dancha gumano laali; mittu 30, mittu 60, mittu 100 laali» yii.

LUQAASI 8:15

Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

ROOMU SOKKA 7:4

Roduuwa'ya, ki'ne coyino hattooho. Ki'ne Kiristoosi bisi widoonni Seeraho reyitinoonnireeti. Kunnira, Maganoho guma laallammora, reyotenni kainohura Kiristoosira fiixa ikkitinoonni.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

UMI TESELONQE 4:1

Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.

LAYINKI PHEEXIROOSI 1:8

Kuni coyi bati're hee'ri'nero, Mootichanke Yesuusi Kiristoosi egennate mullootanna gumiweeloota ikkitinannikki gede assanno'ne.