MAARQOOSI 3:5 - Qullaawa Maxaafa

⁵ Yesuusi wodaninsa dillaawara dadille, hakko noo manna hanqu illenni lae mancho, «Angakki diriirsi!» yiisi. Yiino gede assita, manchoho anga hurtusi.

MAARQOOSI 3:5 ပူးပေါင်းရင်းမြစ်များ

KALAQAMA 6:6

Manna baattote aana kalaqasira gaabbi; wodanisinnino dadilli.

UMI MOOTOOLLA 13:6

Iyorbiaami Maganu mancho, «Anga'ya darga higgannoe gede Maganokki Kaaliiqa huuccie» yiisi. Maganu manchino Kaaliiqa huucceennasi angasi darga higge albi gedeeta ikkitusi.

NEHIMIYA 13:8

Aarame Xobbiya uduunne baalankanni mininni fushshe wigidiide tugummo.

FAARSO 95:10

Hattanne ilamara 40 diro hanqoommo; kunnira, «Ki'ne galata diafidhinoonnireeti; ani yoommotano ikka gibbinoonni» yuummonsa.

MAATEWOOSI 12:13

Hakkunni gedensaanni Yesuusi anga laanshaawino mancho, «Angakki diriirsi!» yiisi. Isino anga diriirsi'rita, angasi hurte te'enne gedee fayyaaleette ikkitu.

MAARQOOSI 3:4

Hakkiinnino aanche, «Seeru garinni Fooliishshote Barra danchanso busha loosate fajjinoonni? Lubbo gatisatenso hunate fajjinoonni?» yee xa'minsa. Insa kayinni tenne te'enne diyitino.

LUQAASI 13:15

Mootichu qole, «Ki'ne lawisiisaano, Fooliishshote Barra handosi woy harrichosi hadirinni tire waa hayikkisi'rara adhe ha'rannokkihu nooni?

LUQAASI 17:14

Yesuusi insa lae, «Hadhe! Biso'ne qeesootaho leellishidhe!» yiinsa. Insano hadhanni heedhe doogote dhibbinsanni keeraabbu.

LUQAASI 6:10

Yesuusi mulesi noo manna baala laihu gedensaanni mancho, «Angakki diriirsi!» yiisi. Manchu anga diriirsi'rita, angasi hurte fayyaaleette ikkitu.

YOHAANNISI 9:7

Hakkiinni, «Cuuammanniwa Selihoomi marte hayishshi'ri!» yiisi. (Selihoomi yaa Sonkoonniho) yaate. Manchuno ha're hayishshi're la"anni higi.

ROOMU SOKKA 11:25

Roduuwa'ya, egennaamma ikkitinoonniha lawoonke'ne. Mitto go'le noo halaale kuleemmo'ne: Hakkuno, Israeelete mokkookka wo'mu woyitita ikkitukkinni, wo'ma Daga Maganunniwa dagga geeshshaati.

LAYINKI QORONTOOSI 3:14

Insa wodani addinta dillaawino. Techo geeshsha nafa Albi Gondooro nabbabbanno woyite, wodanansa hakku guggu'laasinchi diwe no. Hatto ikkannohu, hakku guggu'laasinchi Kiristoosi callu hoolannoha ikkinohuraati.

EFESOONI SOKKA 4:18

Afa hoogansanninna mokkookkansanni kainohunni, wodaninsa tunsino; Maganuwiinnino baxxitino.

EFESOONI SOKKA 4:26

Hanqitiniro, cubbo loossinoonte. Hanqitine heedhineenna arrishsho e'oonke.

EFESOONI SOKKA 4:30

Wodamate barrira sumudantinoonniha Qullaawa Maganu Ayyaana dadillissinoonte.

IBIRAAWOOTA 3:10

Kunnira, hattenne ilamara hanqe, ‹Wodaninsa wo'ma woyite so'ranno; doogo'yano diaffino› yiino.

IBIRAAWOOTA 3:17

Magano shoyilloo diro wo'ma hanqissuri ayeooti? Cubbo loossurenna reeshshinsa halalli gobbara uwe gatire di"ikkitino?

IBIRAAWOOTA 5:9

Guuta ikkasi anfihu gedensaanni, hajajantannorira baalaho hegere gatora doogo ikkinonsa.

YOHAANNIS AJUUJA 6:16

Ilaallatenna kinnate, «Ayirradu barcimira ofolle noohu albinninna Ge'rechu hanqinni aananke ubbine maaxxenke!

EJJEETTO 10:16

Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.

UMI SAAMUEELI 20:34

Kunnira, jilu aaninni hanqe kai. Annisi Daawiti aana shollaataamo coye assino daafira dadille, Aganu Leellihunni layinki barra sagale di"itino.