MAARQOOSI 16:1 - Qullaawa Maxaafa

¹ Ayihudete Fooliishsho Barri saeenna, Megidelitte Maariyaami, Yaiqoobi iltino Maariyaaminna Saloome, Yesuusi reeshshira buurara shitto hidhi.

MAARQOOSI 16:1 ပူးပေါင်းရင်းမြစ်များ

KALAQAMA 50:2

Hakkunni gedensaanni, reeshsha cuukka egentinori soqqamaanosi annisi reeshsha xaggatenni cuukkitanno gede hajaji; insano Yaiqoobi reeshsha xaggatenni cuukkitu.

LAYINKI DUDUWO 16:14

Daawiti Katamira umisira kincho kurkure seekki'rino waammara madaarroonnisi. Reeshshasino su'niitanno shiilonninna shittotenni cuukkite, ayirrinyisira yite lowo haqqe duunte giirtanni wi'litinosi.

MAARQOOSI 14:3

Yesuusi Biitaaniyaho taraawannoha gogu dhibba afi'rino manchi Simiooni mine sagalete ofolle hee'reenna, mitticho mancho lowo woxinni hirrannita naardoosi yinanni shitto, albasxiroosi yinanni kinchinni seekkinoonni gujuujjera haadhe daggu. Gujuujjete afoo hiiqqite, shitto Yesuusi umira duntu.

MAARQOOSI 14:8

Tini mancho wolqase uyitu geeshsha assitino; bisi'yara waammate albaanni balaxxe shitto buurtinoe.

MAARQOOSI 15:40

Hatte yannara shiimu meenti xeertote uurre la"anni no. Insa giddo Megidelitte Maariyaami, maa'niidihu Yaiqoobinna Yoosa ama Maariyaaminna Saloomeno ledo no.

MAARQOOSI 15:42

Ga'a gede Ayihudete Fooliishsho Barra ikkanna, techo gede qole, Qixxaawote barraati.

MAARQOOSI 15:47

Hatte yannara, Megidelitte Maariyaaminna Yoosa iltino Maariyaami Yesuusa madaarriwa la"anni no.

MAARQOOSI 16:2

Sambatu Barra soodo gute, arrishsho lekka abbitanna kae waammanniwa mari.

MAARQOOSI 16:8

Meentu waajje huxi'ranni, waammate giddonni fule xooqi. Lowo geeshsha waajjino daafira, mittu mannirano cuqqi curuqqi diyiino. Honsikki kiirora, meentu Pheexiroosiwanna miillasiwa mare kulloonninsare baala seekke hasaawinsa. Tonnikki kiirora, hakkunni gedensaanni, Yesuusi qullaawanna ba'annokkita hegere gato sokka kultanno gede rosaanosi soojjaatinni galchimi geeshsha soyi. [Maarqoosi 16:9-20, Roorsine hawaqi'nanniteranna albi borro giddo dino.]

LUQAASI 23:54

Konne assinohu Ayihudete Fooliishsho Barrira qixxaambanni hee'noonni yannaraati.

LUQAASI 23:56

Mininsara hige reeshshaho buurranni shitto qixxeessi. Seeru garinni Fooliishshote Barra fooliishshi're hosi.

LUQAASI 24:1

Meentu qixxeessino shitto haa're lamalate umi barra soodo guto waammanniwa ha'ri.

YOHAANNISI 19:25

Yesuusi masiqali mule amasi, la'lamasi, Qeleyopha galte Maariyaaminna Megidelitte Maariyaami uurre no.

YOHAANNISI 19:31

Hakkunni gedensaanni, Ayihudootu suttino manna mogolensa cancante dirrissara hasidhe Philaaxoosi xa'mitu. Hatto assa hasidhinohu, aane noohu Fooliishshote Barri baxxinoha ikkino daafira, Ayihudootu hakko barra reeshshu masiqalu aana hosannota gibbeeti.