MAARQOOSI 13:9 - Qullaawa Maxaafa

⁹ «Ki'ne kayinni umi'nera qorophe! Roorrootaho sayisse uyitanno'ne. Xaadu mini giddo lichetenni gantanno'ne. Ammana'nere farci'rate, ane daafira yitine gashshaanotenna mootoollate albaanni uurritinanni.

MAARQOOSI 13:9 ပူးပေါင်းရင်းမြစ်များ

MAATEWOOSI 5:22

Ani yeemmo'neti kayinni: rodiisira hanqanno baalira yoo yinanni. Qoleno rodoosi, ‹Tidhoottori nookkihu› yee xonannohu baalu songote albira shiqeenna aanasi yoo yinanni. ‹Mullu gowwi› yee xonannohano gaannaamete giira agartannosi.

MAARQOOSI 13:5

Yesuusi qole, «Ayino so'risiisanno'nekki gede qorophe!

MAARQOOSI 13:8

Gosa gosate aana, gashshootu gashshootu aana ola kayissanno. Addi addi darga baatto huxidhanno; hudeno ubbanno. Kuni coyi ilate game gede qarraho hanafo ikkanno.

MAARQOOSI 6:11

Haa'ranna macciishsha gimbanni'newa baala agurtine fultinanni woyite, malaate ikkannonsa gede lekka'ne buko ganga'ne!» yiinsa.

LUQAASI 9:5

Martinoonniwa mannu haa'ra giweenna'ne hakko katama agurtine fultinanni woyite, malaate ikkannonsa gede lekka'ne buko ganga'ne!» yiinsa.

YOHAANNISI 15:20

‹Faantichu mootichasi dirooranno› yuummo'neta habbinoonte. Ane xiibbunte gede, ki'neno xiibbanno'ne. Ane qaale wonshituro, ki'ne qaaleno wonshitanno.

YOHAANNISI 16:2

Xaadu mininni fushshite huntanno'ne; shaanno'nehu baalu Maganoho soqqamannoha lawannositi yanna dagganno.

SOQQAMAASINETE LOOSO 21:11

Kuni himanaanchi ninkewa shiqqi yee, Phaawuloosi hiito haa're angasinna lekkasi usudhe, «Qullaawu Ayyaani, ‹Tenne hiito anna Yerusaalamete Ayihudooti togo assite usurte dagate sayisse uyitanno› yaanno» yee coyi'ri.

SOQQAMAASINETE LOOSO 7:54

Songote miilla konne coye macciishshite lowo geeshsha hanqite, Isxifaanoosira suume ga'midhu.

SOQQAMAASINETE LOOSO 9:16

Isi ane daafira yee lowo qarra adhannota egensiiseemmosi» yii.

FILIPHISIYUSI SOKKA 1:29

Tenne kaayyo uyinoonni'nehu, Kiristoosa ammana callate ikkikkinni, isi daafira yitine qarra adhitinanni gedeeti.

LAYINKI TESELONQE 1:5

Kuni coyi baalu, Maganu yoo halaalaancho ikkitinotanna ki'ne qarra adhitinoonnihura Maganu gashshootira guuta manna ikkitinoonnita leellishanno.

LAYINKI YOHAANNISI 1:8

Ki'ne kayinni daafuri'neha wo'ma waaga afidhinanni gede ikkinnina, loosidhinoonnihu ba"anno'nekki gede qorophe.

YOHAANNIS AJUUJA 1:9

Ki'ne ledo Yesuusi qarra, gashshootesinna cincasi beeqqeemmohu ani rodii'ne Yohaannisi, Maganu qaaliranna Yesuusi naqaashshimma daafira Fiximo yinanni giddichora noommo.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.

YOHAANNIS AJUUJA 2:13

Sheexaanu gashshe noo gobbara hee'rattota afoommo. Anera ammanaminoha Antiphaasi Sheexaanu hee'rannowa ki'ne katamira shini woyite nafa, su'ma'ya seekkite cu'mi'rootto; amma'nakki facci assite diagurootto.