MAARQOOSI 13:8 - Qullaawa Maxaafa

⁸ Gosa gosate aana, gashshootu gashshootu aana ola kayissanno. Addi addi darga baatto huxidhanno; hudeno ubbanno. Kuni coyi ilate game gede qarraho hanafo ikkanno.

MAARQOOSI 13:8 ပူးပေါင်းရင်းမြစ်များ

LAYINKI DUDUWO 15:6

Maganu aanansa qarranna yaaddo abbino daafira mitte gosa wole gosa, mittu katami wole katama gadidisino.

FAARSO 48:6

Ilate game amaddino mancho gede, yaaddonna waajjillu amadinsa.

ISAYAASI 19:2

Kaaliiqi, «Gibitsoota mimmitu aana kayiseemmo. Roduu rodoo, jaalu jaala, katamu katama, gashshaano gashshaano qassanno gede asseemmo.

ISAYAASI 29:6

Ani Olantote Mootichi Kaaliiqi banqo, baattote shafama, lowo luulo, hombobolatte, dambalanna itannoha giirate buwano soye diinikki anganni gatiseemmohe.

ISAYAASI 37:3

«Ninkera tini qarrunna shettote yannaati; ilate yanna iilliteenna niixxe fushshi'ra hooggino mancho gede ikkine hee'noommo.

ERMIYAASI 13:21

Ella'yaati yoottari dargakki amadde gashshitannohe woyite mayaattayya? Iltanno mancho gede game diamaddannohe?

ERMIYAASI 22:23

Ati Libaanoosinni abbinoonni daguwinni minnoonni mine hee'rattohu, iltanno mancho amaddanno game gedeeti amaddannohe woyite, hiitto ikkite uratto ikka?

ERMIYAASI 25:32

Olantote Mootichi Kaaliiqi, «Kuneeti, tare tarentenni gosate bao dagganno; gobbate qaccenni wolqaataame hombobolatte ka'anno.

ERMIYAASI 4:31

Gamaa'mitanni noo manchota labbanno qoonqo macciishshoommo; ilte egentinokki mancho iltanna macciishshinanni qoonqo leeltinoe; tini qoonqo kayinni Yerusaalame foolu lamewa taeenna, angase farri assite, «Baumma! Kune shitaerawe daggu!» yitanni raartanno raareeti.

ERMIYAASI 49:24

Demaasiqote mannira wolqa ba'anno; waajjite xooqqara ka'anno; gamaa'mitanni noo mancho gede, qarrunna shetto amaddannonsa.

ERMIYAASI 50:43

Baabilooni moote konne duduwo macciishshanno woyite, wolqasi daaqqanno; waajjillu amadeenna gamaa'mitanni noo mancho gede ikkanno.

ERMIYAASI 6:24

Yerusaalamete manni insa insanaawa: «Konne duduwo macciishshinummota wolqanke daaqqu; game amaddino mancho gede, masillunna yaaddo amaddinonke.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

ZAKKAARIYAASI 14:13

Hatte yannara, Kaaliiqi masillenna waajja soyenna, mimmitonsa shite guddanno.

MAATEWOOSI 24:8

Kuni coyi ilate game gede qarraho hanafo ikkanno.

MAARQOOSI 13:7

Mule'ne ikko xeertote olu duduwo macciishshitinanni woyite massinoonte. Kuni gatannokki coyeti. Goofimarchu kayinni albillitteteeti.

MAARQOOSI 13:9

«Ki'ne kayinni umi'nera qorophe! Roorrootaho sayisse uyitanno'ne. Xaadu mini giddo lichetenni gantanno'ne. Ammana'nere farci'rate, ane daafira yitine gashshaanotenna mootoollate albaanni uurritinanni.

SOQQAMAASINETE LOOSO 11:28

Insa giddonni mittu Agaboosi yinanni manchi Qullaawu Ayyaaninni gobbate aana wolqaataame hude ubbanno yaanni kae, gobba baalate coyi'ri. (Kuni ikkinohu Roomu Moote Qelawudewoosi yannaraati.)

UMI TESELONQE 5:3

Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.

YOHAANNIS AJUUJA 6:4

Wolu duumu farashshino fuli. Farashsho gulufe noohura gobbate aaninni keere hunanno gedenna mannu mimmito gudanno gede assara roorre uyinisi; lowo biseno uyinisi.