MAARQOOSI 10:30 - Qullaawa Maxaafa

³⁰ roore afi'ranno. Xiiwanturo nafa, tenne yannarano mine, labbaa roduuwa, meyaa roduuwa, amuuwa, oosonna gate agarannohu xibbe ero afi'ranno; dagganno yannarano hegere heeshsho afi'ranno.

MAARQOOSI 10:30 ပူးပေါင်းရင်းမြစ်များ

FILIPHISIYUSI SOKKA 3:8

Mooticha Yesuusa Kiristoosa egennatenni roorinori mitturino nookkita afe, baalankare mullare asse aguroommo. Isi daafira yee wole baalanka coye hune aguroommo; Kiristoosiha ikkammora yee wo'mankare ishinu gede asse aguroommo.

LUQAASI 18:30

tenne gobbara erote ero adhanno. Dagganno alamerano hegere heeshsho afi'ranno» yii.

LAYINKI QORONTOOSI 6:10

Dadillu amadinkerono, wo'manka woyite hagiirraammaho. Buxane ikkine hee'nenni, lowo manna duroonsineemmo. Noonkerino hoogiro, baalunkuri ninkeho.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

MILKIYAASI 3:10

Mine'ya intanniri hala'lanno gede uyitinanniha tonnunni mitto gudissine abbitine gootaraho worre. Hatto assitineenna, ani qole waalcho fane dancha attote batise aa hoogummo'nero tennenni affe"e. Konne coye coyi'roommohu ani Olantote Mootichi Kaaliiqaati.

YAIQOOBI 5:11

Cincite uurritinore, «Ba'raadhinoreeti» yineemmonsa. Iyyoobi cincino gara macciishshitinoonni. Mootichuno goofimarchoho assinosiha dancha coye affinoonni. Kunninni Mootichu sao agurannohanna mararannoha ikkinota buuxxinoonni.

LAWISHSHA 16:16

Culkunkunni egenno afi'ra, birrunkunni wodancha afi'ra roortanno.

YOHAANNIS AJUUJA 3:18

Dureessa ikkatto gede giiratenni daashshinoonni culka, teedakki diphate waajjo uddanonna la"a dandaatto gede illete xagichono anewiinni hidhattora seejjeemmohe.

UMI XIMOOTEWOOSI 6:6

«Nooehu ikkinoe» yaannohura, Magano magansi'ra lowo qiniiteeti.

SOQQAMAASINETE LOOSO 5:41

Soqqamaasine kayinni Yesuusi su'mira yite shollinye adha hasiissannonsata egentino daafira, tashshi yaannansa songote albinni fulte hadhu.

LAYINKI DUDUWO 25:9

Amesiyaasino himanaanchoho, «Hatto ikkina, balaxe oommo birri hiikkannoyya?» yee xa'mi. Maganu manchino, «Kaaliiqi hakkiinni roore aahera dandaanno» yee dawarisi.

UMI YOHAANNISI 3:1

«Maganu oosooti» yinanninke gede Maganu Annu hiittoo baxille uyinonkero la'e; addanko, ninke Maganu oosooti. Alame Magano egentinokkihura ninkeno diegentinonke.

LAYINKI TESELONQE 2:16

Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

ROOMU SOKKA 5:3

Kunni callunni ikkikkinni, qarrunni cinca afi'neemmo daafira, qarranke hagiirrunni adhineemmo.

SOQQAMAASINETE LOOSO 16:25

Hashshu taalootira Phaawuloosinna Silaasi huuccattotenninna faarsotenni Magano galaxxitanna, wolu usuranyino macciishshi.

YOHAANNISI 10:23

Yesuusino Qullaawa Mine Selemooni daasira millisanni no.

MAATEWOOSI 12:32

Manchi Beetti aana xonote qaale coyi'ranno baalira saosi agurrannisi. Qullaawa Ayyaana xonino baalira kayinni tenne alamerano ikko daggannotera saosi diagurrannisi» yiinsa.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

YOHAANNIS AJUUJA 2:9

Qarrakkinna buximakki afoommo; ikkollana ati dureessaho. Ayihude ikkitukkinni, «Ninke Ayihudete» yitannori, Sheexaanu gaamora miilla ikkitinori xontannohe xono afoommo.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

UMI YOHAANNISI 2:25

Tini isi uyinonke hexxono hegere heeshshooti.

MAATEWOOSI 13:8

Wolu gumi dancha shaqqado baattora uwe mu'ri. Lophe dancha guma laali; mittu 100, mittu 60, mittu 30 laali.

SOQQAMAASINETE LOOSO 14:22

Martuwa baala ammanaano seejjitanninna jawaachishshanni, «Maganu gashshoote eate lowo qarra adha hasiissannonke» yitanni rosiissunsa.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.