MAARQOOSI 10:1 - Qullaawa Maxaafa

¹ Yesuusi hakkiinni kae, Yihudu gobbanna Yordaanoosi Waa widoonni fuli. Hakka woyite lowo manni isiwa gamba yeenna albinte gede rosiisinsa.

MAARQOOSI 10:1 ပူးပေါင်းရင်းမြစ်များ

ROSIISAANCHO 12:9

Hayyichu rosiisaanchi egennaamo ikkinohura mannaho egenno rosiisino. Isino maammaashsha xiinxallihu gedensaanni, aante aantetenni qixxeesse worino.

ERMIYAASI 32:33

Insa anera badhe wodhitinoe; marro marro hige rosiiseennansano dimacciishshitino; diseejjantino.

MAATEWOOSI 26:55

Hatte yannara Yesuusi hakkiicho gamba yiino mannira, «Mulqi'rannoha amandannihu gede ane amadate bisenna dulla duqqitine daggini? Barra baala Qullaawu Mini giddo rosiisanni ledo'ne hee'rummo geeshsha diamaddinoonnie.

MAATEWOOSI 4:23

Yesuusi Ayihudete xaadi mine rosiisanninna gordu Gashshootiha Dancha Duduwo kulanni, addi addi dhibbinni amadamino manna hursanni Galiilu gobba baala tuqi.

MAARQOOSI 1:21

Hakkiinnino ka'e Qifirinahoomi yinanni katama iillitu. Fooliishshote Barri eanni hee'reennanni, Yesuusi Ayihude xaaddanno minira e"e rosiisa hanafi.

MAARQOOSI 10:2

Farisootu isiwa dagge jiffe la'asira yite, «Manchu galtesi fushshe ha'risannota Seeru fajjannoni?» yite xa'mitu.

MAARQOOSI 12:35

Yesuusi Qullaawa Mine rosiisanni, «Muse Seeri rosiisaano, ‹Kiristoosi Daawiti Beettooti› yitannohu mayiraati?

MAARQOOSI 14:49

Barra baala Qullaawa Mine rosiisanni hee'rummo geeshsha, diamaddinoonnie. Kuni ikkinohu kayinni, Qullaawa Borro yitinohu wo'manno gedeeti» yii.

MAARQOOSI 2:13

Yesuusi galagale baaru mulira marita, mannu baalu isiwa shiqqi yeenna rosiisinsa.

MAARQOOSI 4:2

Isino masalsanni lowo coye rosiisinsa.

MAARQOOSI 6:2

Fooliishshote Barra, Xaandanni Mine rosiisanna lowo manni dhaggeeffatanni macciishshi. Insano dhiibbifatte, «Kuni manchi togoo coye maminni afi'ri? Tini uyinoonnisi hayyo hiittoote? Tenne maalale ma garinni loosanno?

MAARQOOSI 6:34

Yesuusi yowolote aaninni dirri woyite, lowo manni allaalaanchu nookki ge'reewi gede ikkinota lae marare, lowo coye rosiisinsa.

MAARQOOSI 6:6

Amma'na hoogansarano lowo geeshsha maala'li. Hakkunni gedensaanni, Yesuusi rosiisanni qacha baala doyi.

YOHAANNISI 10:40

Hakkiinni kae galagale Yordaanoosi tayise fule alba Yohaannisi manna cuui darga mare hakkiicho keeshshi.

YOHAANNISI 11:7

Hakkunni gedensaanni rosaanosi, «Amme galagalle Yihuda ha'nona!» yiinsa.

YOHAANNISI 18:20

Yesuusino, «Ani manna baalaho xawoho coyi'roommo; Ayihude baala gamba yitannowa xaadu minenna Qullaawa Mine wo'ma woyite rosiisoommo; maaxe coyi'roommori mitturino dino.