MAARQOOSI 1:34 - Qullaawa Maxaafa

³⁴ Yesuusi hakkiicho addi addi dhibba afi'rinoha lowo manna hursi. Batinye durriisano fushshi. Durriisuno isi ewelumma egennino; kunnira, Yesuusi durriisa coyi'rannokki gede hooli.

MAARQOOSI 1:34 ပူးပေါင်းရင်းမြစ်များ

MAATEWOOSI 4:23

Yesuusi Ayihudete xaadi mine rosiisanninna gordu Gashshootiha Dancha Duduwo kulanni, addi addi dhibbinni amadamino manna hursanni Galiilu gobba baala tuqi.

MAATEWOOSI 4:24

Duduwisi Sooriyu gobba baala iillino daafira, addi addi dhibbinninna dhiddonni qarrantinore, durriisu ganinore, hawwunatu noonsarenna laanshaabbinore baala Yesuusiwa haadhe abbitu; isino baalanka hursi.

MAARQOOSI 1:25

Yesuusi busha ayyaana, «Sammi yite manchuwiinni fuli!» yee rufi.

MAARQOOSI 3:12

Isi kayinni ewelummasi mannaho hasaabbannokki gede duu're kulinsa.

LUQAASI 4:41

Durriissano, «Ati Maganu Beettooti» yite raartanni lowo manni giddonni agurte fultu. Durriissa Yesuusi Kiristoosa ikkinota egentino daafira coyidhannokki gede hajajinsa.