MAARQOOSI 1:20 - Qullaawa Maxaafa

²⁰ Yesuusi hakkawoyintenni woshsheennansa, annansa Zebidewoosi wolu kiranyootu ledo yowolote giddo agurte Yesuusi hoode hadhu.

MAARQOOSI 1:20 ပူးပေါင်းရင်းမြစ်များ

UMI MOOTOOLLA 19:20

Elsaino amade noo handa agure Eeliyaasi hoode dode mare, «Ha're anna'yanna ama'ya sunqe keerunni yee dayemmona agarie. Hakkunni gedensaanni hoodekki dayemmona» yiisi. Eeliyaasino qole, «Maahoyyena ha'ri. Ani assummohere kayinni habbooti» yiisi.

MAATEWOOSI 10:37

Anenni roorse annasinna amasi baxannohu aneha ikka didandaanno. Anenni roorse labbaa beettosi woy meyaa beettosi baxannohu aneha ikka didandaanno.

MAARQOOSI 1:19

Hakkiinni shiimare sae lame roduuwa afi. Insa Zebidewoosi ooso Yaiqoobiitinna Yohaannisiiti. Insano yowolote aana heedhe woshshaadonsa biddi assidhanni no.

MAARQOOSI 1:21

Hakkiinnino ka'e Qifirinahoomi yinanni katama iillitu. Fooliishshote Barri eanni hee'reennanni, Yesuusi Ayihude xaaddanno minira e"e rosiisa hanafi.

MAARQOOSI 10:29

Yesuusi qole, «Halaale kuleemmo'nena, aneranna Danchu Duduwi daafira yee mine woy labbaa roduuwa woy meyaa roduuwa woy ama woy anna woy ooso woy gatesi agurannohu,

LUQAASI 14:26

«Anewa daannohu annasi, amasi, galtesi, oososi, meyaanna labbaa roduuwasinna heeshshosi anenni roorse baxannoha ikkiro, rosaancho'ya ikka didandaanno.

LUQAASI 5:11

Insa yowolonsa baaru qacce fushshituhu gedensaanni, wo'manka coye agurte Yesuusi hoode hadhu.

LAYINKI QORONTOOSI 5:16

Kunni ka'a ayeno mannu hedanno garinni dihendeemmo. Kiristoosano hakko garinni hendoommoha ikkiro, kunni ka'a hakko garinni dihendeemmo.

MARRO 33:9

Anni'nenna ama'ne daafira coyidhinanni, ‹Ninke insa daafira diqarrammeemmo› yitinoonni. Roduuwa'nenna ooso'ne dihasidhinoonni; Kaaliiqira hajajantinoonni; gondoorisirano ammanantinoonni.