LUQAASI 9:32 - Qullaawa Maxaafa

³² Hatte yannara Pheexiroosinna ledosi noori goxxe no. Baqqi yitanno woyite, Yesuusi ayirrinyenna ledosi noore lame manna affu.

LUQAASI 9:32 ပူးပေါင်းရင်းမြစ်များ

ISAYAASI 60:19

«Kunni ka'a barrira arrishsho, hashshira aganu dihasiisannohe. Ani Kaaliiqi hegere xawaabba ikkeemmohe; ayirrinyi'yano ate aana xawanno.

DAANIEELI 10:9

Manchu huuro macciishshummo yannara, mase anenee hawe baattote aana gombisame uwoommo.

DAANIEELI 8:18

Coyi'ri yannara uwoommowa hee'reenna goxano adhite ba'ue. Isi kayinni baattote aaninni amade kayise lekka'yanni uurreemmo gede asse,

MAARQOOSI 14:40

Layinkimeeshsho rosaanosiwa daanno woyite, goxano amaddeennansa mugganni noore afi; insano isira haadhe dawartannore hooggu.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 17:24

«Anna'ya, tini gobba kalaqantukkinni baxoottoe daafira, kuri ayirrinye'ya la'ara oottoeri ani noommowa ledo'ya heedhara hasi'reemmo.

LAYINKI PHEEXIROOSI 1:16

Mootichinke Yesuusi Kiristoosi wolqanna layinkimeeshshi daasire kullummo'ne yannara, ayirrinyesi illenkenni la'neeti ikkinnina, mannu hayyonni kalanqoonni maatto hoode ha'ratenni di"ikkino.

UMI YOHAANNISI 3:2

Jaalla'ya, xa ninke Maganu oosooti; hiittoore ikkineemmoro xaara dixawinsoonninke; Kiristoosi daanno waro kayinni, ayimmasi anfeemmo daafira, iso lambeemmota egenninoommo.