LUQAASI 9:31 - Qullaawa Maxaafa

³¹ Ayirrinyunni leellite, Yesuusi Yerusaalamete qarra adhannotanna reyannota hasaabbanni no.

LUQAASI 9:31 ပူးပေါင်းရင်းမြစ်များ

LUQAASI 9:22

Yesuusi rosaanosi, «Manchi Beetti lowo qarra adha hasiissannosi; geerrunna qeesootu roorrooti, Seeru rosiisaano mishshannosi; shinannisi. Ikkollana sayikki barra reyotenni ka"anno» yiinsa.

LUQAASI 9:30

Hatte yannara hedeweelcho lamu manni dagge isi ledo hasaabbanni no. Insa Museetinna Eeliyaasiiti.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

LAYINKI QORONTOOSI 3:18

Ninke baalunku diphinoommokki albinni Mootichu ayirrinye xawinseemmo. Ayyaana ikkino Mooticha lawate ayirrinyunni ayirrinyu widira hinge soorrammeemmo.

FILIPHISIYUSI SOKKA 3:21

Isi tenne reyitanno mannimmanke soorre, isita ayirrado mannimma labbanno gede assanno. Hatto assannohuno, wo'manka roorresinni gashshate noosi wolqanniiti.

QOLASIYAASI SOKKA 3:4

Heeshsho'ne ikkinohu Kiristoosi leellanno yannara, ki'neno isi ledo ayirrinyunni leeltinanni.

IBIRAAWOOTA 11:22

Yooseefino reyanno yanna iillituta, Israeelootu Gibitsetenni fultannota coyi'rinohunna miqichosi hiissa hasiissannonsaro kulinonsahu amma'natenniiti.

UMI PHEEXIROOSI 5:10

Shiima yanna geeshsha qarra adhitinihu gedensaanni, Kiristoosi Yesuusinni hegere ayirrinyiwa woshshino'nehu, elto baalate Magani, isinni amadino'ne qarriwiinni gatisanno'ne; irkisanno'ne; kaajjishanno'ne; teesiisanno'ne.

LAYINKI PHEEXIROOSI 1:15

Ani xa diinaggaawanni noommohu, ki'newiinni ree baxxummoro nafa konne coye duuchanka woyite qaagginara yeeti.

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.