LUQAASI 9:26 - Qullaawa Maxaafa

²⁶ Anenna qaale'ya fokkannoha baala, Manchi Beetti umisi ayirrinyinni, Annisi ayirrinyinninna qullaawa sokkaasine ayirrinyinni daanno yannara fokkannosi.

LUQAASI 9:26 ပူးပေါင်းရင်းမြစ်များ

ISAYAASI 53:3

Mannu mishinosihonna giwinosiho; xissonna qarru amadinosi. Mannu mishe alba shawwu yiinosi; ninkeno diayirrinsoommosi.

DAANIEELI 7:10

Giirate buichono ayirradu barcimiwiinni fultanno; isira kumunni kiirranni soqqamaano noosi; albasiinni uurritannori tonne higge tonne kumeeti. Yoono hananfi; maxaaffano fanni.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

MAATEWOOSI 26:64

Yesuusino, «Ati yiitto gedeeti. Ikkollana kunni ka'a Manchi Beetti Wo'manka Dandaanno Maganira qiniiteenni ofollinoha affinanni; hattono gordu gomichinni dukkisame daanna la'inanni» yiinsa.

MAARQOOSI 8:38

Tenne fooranna cubbaataame ilama giddo, anenna qaale'ya fokkannoha baala, Manchi Beetti annisi ayirrinyinni qullaawa sokkaasine ledo daanno waro fokkannosi» yiinsa.

YOHAANNISI 12:43

Tenne gibbinohu, Maganunkunni roore mannu jajansara hasidhinohuraati.

YOHAANNISI 5:44

Ki'ne mimmiti'newiinni ayirrinye hasidhinanniri, mitto calla ikkino Maganiwiinni afi'nanni ayirrinye kayinni hasidhinannikkiri, ane hiitto ikkitine ammantinannie?

SOQQAMAASINETE LOOSO 10:22

Insano, «Ninke xibbu roorrichi Qornelewoosi soyennanke dangoommo. Iso Ayihudete manni baalu ayirrisannosi; keeraanchohonna Magano waajjanno manchooti. Ate minisira woshshi're ati yaattore macciishshanno gede Maganu sokkaasinchi kulinosi» yitu.

ROOMU SOKKA 1:16

Danchu Duduwi amma'nitinore baala balaxe Ayihude, aancheno daga gatisate Maganu wolqaati. Kunnira, ani Danchu Duduwinni disaalfateemmo.

LAYINKI QORONTOOSI 12:10

Wolqa afi'reemmohu wolqiweeleemmo woyite ikkinohura, Kiristoosi daafira yee wolqiweelummoro, xonamummoro, mitii'mummoro, xiiwamummoro, qarramummoro tashshi yaannoe.

GALATIYU SOKKA 6:14

Alame ane reyinohu gede assite agurtinohu, anino alame reyitinohu gede asse aguroommohu, Mootichinke Yesuusi Kiristoosi masiqali ka'a wole adawarsha dihasi'reemmo.

UMI XIMOOTEWOOSI 5:21

Assatto coye baala manna mimmituwiinni roorsittokkinni, woy ayerano godowa hosittokkinni, tenne amaale'ya baala guutatto gede, Maganunna Yesuusi Kiristoosi doorino sokkaasine albaanni eegga yeemmohe.

LAYINKI XIMOOTEWOOSI 1:12

Konne qarra adheemmohuno kunni daafiraati. Ikkollana ammanoommoha egennoommo daafira disaaleemmo. Uyinoonnie eeggo hakko barri geeshsha agadha hasiissannoeta huwatoommo.

LAYINKI XIMOOTEWOOSI 2:12

Cincine hee'nummoro, isi ledo moonkeemmo. Badhe wodhinummosiro kayinni, isino badhe wodhannonke.

IBIRAAWOOTA 11:26

Albillitte adhara noo ba'raa'ra buuxe laino daafira, Gibitsete jironni roore Kiristoosi daafira mishama roore jiro ikkitinota hedi.

IBIRAAWOOTA 13:13

Ninkeno qachunni fulle isiwa marre, shollinyesi beeqqino.

YIHUDA 1:14

Addaaminni kayise lamalki ilama ikkinohu Heenooki, «Kune Mootichu kumu kumi sokkaasine qullaawate ledo daanno.

YOHAANNIS AJUUJA 1:7

Kuneeti, gomichunni daanni no! Qassusiri nafa gattukkinni, mannu baalu ille la"annosi; baattote aana noo manni baaluno, iso lae hururame wi'lanno. Yinoonnirino ikkanno. Hamii'ni!

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.

YOHAANNIS AJUUJA 3:5

Qeelinohu hattonni waajjo uddano tuulatanno; su'masino heeshshote maxaafi giddonni dihuneemmo. Anni'yanna sokkaasinesi albaanni farci'reemmosi.