LUQAASI 9:11 - Qullaawa Maxaafa

¹¹ Mannu Yesuusi ha'rinowa afihu gedensaanni iso faana gane ha'ri. Isino haa're Maganu Gashshootire rosiisinsa; dhibbunni hurtara hasidhe dagginore baalano hursinsa.

LUQAASI 9:11 ပူးပေါင်းရင်းမြစ်များ

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

MAATEWOOSI 12:15

Yesuusi kayinni ganonsa afe hakkiinni wirri yii; lowo mannino hoodesi ha'ri. Isino dhiwantinore baala hursi.

MAATEWOOSI 14:14

Yesuusi yowolote aaninni dirri woyite lowo manna lae mararinsa; dhiwamaasinensano hursi.

MAATEWOOSI 21:31

«Lamunku giddo annu hedo wonshinohu hiikkonneeti?» yiinsa. Insano, «Balaxe soyiho» yitu. Yesuusino, «Halaale kuleemmo'nena, qaraxaasinenna foortannori Gordu Gashshoote ea balaxxanno'ne.

MAATEWOOSI 21:43

«Ani kuleemmo'nena, Maganu Gashshoote ki'newiinni haa'ne guma laalanno mannira uyinanni.

LUQAASI 1:53

Hudidhinore danchu coyinni duushshino; dureeyye kayinni mulla anganni shorrino.

LUQAASI 5:31

Yesuusi qole, «Dhiwantinorira ikkinnina fayyaaleeyyete xagisannohu dihasiisannonsa.

LUQAASI 8:1

Hakkunni gedensaanni Yesuusi katammatenna qachuwate, Maganu Gashshootirenna Danchu Duduwire kulanni ha'ri. Tonaa lamunku rosaanosino ledosi no.

LUQAASI 8:10

Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni la'anni heedhe buuxxannokki gede, macciishshitanni heedhe wodanchitannokki gede masalsatenni kullanninsa» yiinsa.

LUQAASI 9:10

Soqqamaasine soyinowiinni galagalte higge, assitinore baala Yesuusira kultusi. Isino Beetesayidu katami mule mannu nookkiwa calluwansa haa're ha'ri.

LUQAASI 9:12

Yanna hashshituta, tonaa lamenka rosaanosi Yesuusiwa shiqqi yite, «Kuni hee'noommo dargi halallaati. Kunnira mannu muli katammanna katammate gobbaanni noo qachuwa ha're, itannorenna galannowa hasi'ranno gede ha'risi» yitu.

LUQAASI 9:2

Gordu Gashshooti gamba yiinota manna baalaho kultanno gedenna dhiwantinore hursitanno gede soyinsa.

YOHAANNISI 4:34

Yesuusi qole, «Ane sagale soyinoehu haja wonshatenna loososi guutate.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

SOQQAMAASINETE LOOSO 28:31

Maganu gashshootire kulanni, Mootichu Yesuusi Kiristoosireno ittisannohu nookkiha ruxxi yiikkinni rosiisi.

ROOMU SOKKA 10:14

Maahoyyena, amma'nitukkinni hiitto assite woshshitasira dandiitanno? Isire macciishshitukkinni hiitto assite amma'nitanno? Kulannohu nookkiha hiitto assite macciishshitanno?

ROOMU SOKKA 10:17

Amma'na macciishshatenni dagganno; macciishshinannihuno Kiristoosi qaaleeti.

ROOMU SOKKA 15:3

Kiristoosi isonoo dihagiirsiisino. Kuni ikkinohu, «Xontannoheri xonono, aana'ya ubbino» yine borreessinoonni gedeeti.

LAYINKI XIMOOTEWOOSI 4:2

Qaale kuli; injiiherono injaa hoogiherono wo'manka woyite jawaatte loosi. Xawisse kultanni, hayi yitanninna seejjitanni, cincatenninna rosiisatenni jawaati.

IBIRAAWOOTA 4:16

Maaro adhatenna hasiissanno yannara kaa'litannonke elto afi'rate, elto noowa ayirradu Maganu barcimiwa ruxxi yinummokkinni shinqo.