LUQAASI 9:1 - Qullaawa Maxaafa

¹ Yesuusi tonaa lamenka soqqamaasinesi woshshe battete ayyaana fushshitannonna dhiwantinore hursitanno gede wolqanna roorre uyinsa.

LUQAASI 9:1 ပူးပေါင်းရင်းမြစ်များ

MAATEWOOSI 16:19

Kuneeti atera gordu gashshooti waalchi fannanniricho eemmohe; uulla usuroottohu gordohono usuraminoha ikkanno. Uulla tiroottohu gordohono tidhaminoha ikkanno» yiisi.

MAATEWOOSI 4:24

Duduwisi Sooriyu gobba baala iillino daafira, addi addi dhibbinninna dhiddonni qarrantinore, durriisu ganinore, hawwunatu noonsarenna laanshaabbinore baala Yesuusiwa haadhe abbitu; isino baalanka hursi.

MAATEWOOSI 8:9

Ani umi'ya gashshaanote hajajameemmoho; anerano hajajeemmo olanto nooe. Insa giddonni mittu, ‹Ha'ri!› yuummoro ha'ranno; woleno, ‹Amo!› yuummoro daanno. Soqqamaancho'ya, ‹Konne assi!› yuummoro assanno» yii.

LUQAASI 10:1

Hakkunni gedensaanni Yesuusi wole lamalayina lame rosaano doore, isi ha'rara hedino katammanna darga baala alba ikkite hadhanno gede lame lame asse soyi.

LUQAASI 10:19

Hamashshonna idda kaddinanni gede diina qeeltinanni wolqa oommo'ne. Gawajjanno'neri mitturino dino.

YOHAANNISI 14:12

Halaale kuleemmo'nena, ane ammaninohu ani looseemmo looso loosanno; hakkiinni saino looso nafa loosanno. Hatto loosa dandaannohu, ani Anni'yawa ha'reemmo daafiraati.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 3:16

Kuni la'inannihunna affinoonni manchi hure jawaatinohu Yesuusinni afi'nanni amma'nanniiti. Yesuusa amma'nasinni ki'ne baalunku albaanni wo'ma fayyimma afi'rino.

SOQQAMAASINETE LOOSO 4:30

Qullaawu soqqamaanchikki Yesuusi su'minni dhiwantinori hurtara, dhaggenna maalale assitanno gede angakki diriirsi» yite huuccidhu.

SOQQAMAASINETE LOOSO 9:34

Pheexiroosi, «Eniya! Yesuusi Kiristoosi hursannohe; gotti yite daallasakki biddi assi'ri!» yiisi. Isino hakkawoyintenni kai.