LUQAASI 8:8 - Qullaawa Maxaafa

⁸ Wolu gumi dancha shaqqado baatto aana uwe mu'ri. Lophe xibbe ero laalino» yee lawishsha kulinsa. Yesuusi lede, «Macca noohu macciishsho!» yiinsa.

LUQAASI 8:8 ပူးပေါင်းရင်းမြစ်များ

KALAQAMA 26:12

Yisihaaqi hattenne gobbara jajja loosi'ri; Kaaliiqi maassi'rinosi daafira, hakko dironni 100 ero afi'ri.

LAWISHSHA 20:12

Macciishshitanno maccanna la'anno ille, lamenta Kaaliiqi kalaqino.

LAWISHSHA 8:1

Macciishshe! Egenno woshshitanni noona; wodanchano coyidhanni noona.

ERMIYAASI 13:15

Coyi'ranni noohu Kaaliiqaatina, ki'ne Yihudu manni boo'na'ne agurtine, wodana assitine macciishshe.

ERMIYAASI 25:4

Kaaliiqi marro marro hige borojjesi himanaano ki'newa soyennano, ki'ne kayinni wodana assiti'ne dimacciishshitinoonni.

MAATEWOOSI 11:15

Macca noohu macciishsho!

MAATEWOOSI 13:23

Shaqqado baattora uwino wixi masalo kayinni, qaale macciishshite wodanchitannore kulanno. Kunni garinni mittu 100, mittu 60, mittu 30 guma laalanno» yii.

MAARQOOSI 4:20

Shaqqado baattora uwino wixi masalo kayinni, qaale macciishshite wodanchitannore kulanno. Kunni garinni mittu 30, mittu 60, mittu 100 guma laaltanno» yiinsa.

MAARQOOSI 4:23

Xa kayinni macca noohu macciishsho» yiinsa.

MAARQOOSI 4:8

Wolu gumi dancha shaqqado baattora uwe mu'ri. Lophe dancha gumano laali; mittu 30, mittu 60, mittu 100 laali» yii.

MAARQOOSI 7:16

Macca noosihu macciishsho!»

LUQAASI 14:35

Baattote woy ha'rishshate ikkitannokki daafira, fushshine hunnanni. Macca noohu macciishsho!» yii.

LUQAASI 8:15

Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

LUQAASI 8:7

Wolu qole utu giddo uwi. Mu'rihu gedensaanni utu fuge amadeenna gumiweele gati.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

YOHAANNIS AJUUJA 13:9

Macca noohu macciishsho!

YOHAANNIS AJUUJA 2:11

Qullaawu Ayyaani beetekiristaannate yaannore macca noohu macciishsho. Qeelinoha layinkimeeshshi reyo digawajjitannosi› yiino» yite borreessite soyi.

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.

YOHAANNIS AJUUJA 3:13

« ‹Qullaawu Ayyaani beetekiristaannate yaannore macca noohu macciishsho› yiino» yite borreessite soyi.

YOHAANNIS AJUUJA 3:6

« ‹Qullaawu Ayyaani beetekiristaannate yaannore macca noohu macciishsho› yiino» yite borreessite soyi.