LUQAASI 8:35 - Qullaawa Maxaafa

³⁵ Mannuno tenne ikkito la"ara Yesuusiwa dayi. Durriisu amadino manchi wodanu higeennasi hure uddano uddi're Yesuusi lekka mule ofolle nooha affe waajjitu.

LUQAASI 8:35 ပူးပေါင်းရင်းမြစ်များ

FAARSO 51:10

Magano ballo! Keeraancho wodana kalaqie; haaronna suwashsho wodana giddo'ya worie.

ISAYAASI 53:12

Lubbosi reyote sayise uyino; bunshe assitannori ledo kiirroonnisi. Ikkeennano lowo manni cubbo duqqino; sao assitinori daafira araara eanno; jajjabbu ledo dilaalasi eemmosi; wolqaataammu ledo horro beeqqanno» yii.

MAATEWOOSI 4:24

Duduwisi Sooriyu gobba baala iillino daafira, addi addi dhibbinninna dhiddonni qarrantinore, durriisu ganinore, hawwunatu noonsarenna laanshaabbinore baala Yesuusiwa haadhe abbitu; isino baalanka hursi.

MAARQOOSI 5:15

Macciishshiturino Yesuusiwa dagge, durriisu amadino manchi hure uddanosi uddi're ofolle nooha affe waajjitu.

LUQAASI 10:39

Isera Maariyaami yinanni rodoo noose. Maariyaami Mootichu lekka mule ofolte rosiisannore macciishshitanni no.

LUQAASI 15:17

«Hakkunni gedensaanni galfate, ‹Anni'ya mine soqqantanno faantooti, sagale itte duubbe gatisidhannori batinyeho. Ani kayinni konne hudetenni reyanni noommo.

LUQAASI 2:46

Sasu barri gedensaanni Qullaawa Mine affusi; hakkiicho Ayihudete rosiisaano mereero ofolle macciishshanninna xa'manni no.

LUQAASI 8:27

Yesuusi yowolote giddonni fulita, durriisu amadino manchi katamunni fule, Yesuusinni xaadi. Kuni manchi uddano uddi'ra agurinkunni lowo yanna ikkino. Mine agure mooggate giddo galanno.

LUQAASI 8:34

Manchaame allaalte noori ikkino coye la'e xooqqe marte, katamahonna katamu gobbaanni dudubbu.

SOQQAMAASINETE LOOSO 22:3

«Ani Kiliqiyaho Xerseesi Katamira ilamoommo; ilama'yano Ayihudete. Lophoommohu kayinni kunni Yerusaalamete Katamiraati. Rosiisaanchi'yano Gamaaliyaaliiti. Annuwanke Seerano seekke rosoommo. Techo ki'nente gede Maganoho laalaate soqqameemmoho.

UMI YOHAANNISI 3:8

Daawuloosi bi'renni cubbo loosannoha ikkino daafira, cubbo loosannohu Daawuloosiho. Maganu Beetti dayinohu Daawuloosi looso diigaraati.