LUQAASI 8:32 - Qullaawa Maxaafa

³² Hakkiicho gaaru hunda kiiro haammata manchaame hayisso ittanni no. Durriissa, «Marre manchaamete giddora e'neemmo gede fajjinke!» yite Yesuusa huuccidhu. Isino fajjinsa.

LUQAASI 8:32 ပူးပေါင်းရင်းမြစ်များ

UMI MOOTOOLLA 22:22

«Kaaliiqino, ‹Hiitto assite so'risiisatto?› yee xa'mi. «Hakku ayyaanino, ‹Mare Akiaabi himanaano baala kapho himantanno gede asseemmo› yiino. «Kaaliiqino, ‹Maahoyyena marte so'risiisi. Yootto coyi ikkannohena› yiino» yiisi.

IYYOOBI 1:10

Isi ate ayirrisannohu isira, maatesiranna noosi jiro baalate huxxa ikkoottosihuraati. Qoleno, assi'rire baala maassi'roottosihuranna saadasino qalante baatto wo'mitino daafiraati.

IYYOOBI 1:12

Kaaliiqino Sheexaaneho, «Hanni maahoyyena noosire baala hasi'rittota assi. Iyyoobi aana kayinni mittoreno assitooti» yiisi. Sheexaanuno Kaaliiqi albinni fule ha'ri.

IYYOOBI 2:6

Kaaliiqino Sheexaane, «Maahoyyena, lubbosi calla agurranna hasi'rittota assi» yiisi.

FAARSO 62:11

Maganu, «Wolqanna bagamannokki baxilli aneho» yee coyi'ranna lame hige macciishshoommo. Mootichu, mittu mittunkura loosisi garinni aanno.

ISAYAASI 65:4

Ekerrate ledo hasaabbara yite, hashsha mooggatenna goddate giddo suuqante galtanno; manchaamete maala ittanno; battete maali waco agganno.

ISAYAASI 66:3

Anera booto kakkaltannoeri manna shitannoreeti; ge'rechu wilii'licho kakkaltannori woshichu haxo qiqqishshannoreeti. Gidu fushshaate abbitannoeri manchaamete mundee shiqishshannoreeti; hixaana giirtannoeri kaphu maganna magansidhannoreeti. Uminsa doogo hadhanno; hattenne assitino battenni hagiidhitanno.

LEEWAAWOOTA 11:7

Manchaameno culunqa dadhantinota ikkituro nafa, haancidhannokki daafira ita dihasiissanno'ne.

MAATEWOOSI 7:6

«Wirri yee ki'ne ga'manno'nekki gede, qullaawoota woshshaho tugginoonte. Lekkatenni kakkaddannona, maareekonnire manchaamete albaanni wortinoonte» yii.

LUQAASI 8:31

Durriissano, «Yesuusa diimete giddora qolte huntootinke» yiite huuccidhu.

LUQAASI 8:33

Kunnira durriissa manchu giddonni fulte manchaamete giddora e'u. Manchaameno baaru gaminni bitintirtanni wayi giddora e'e egemmantu.

YOHAANNISI 19:11

Yesuusi kayinni, «Roorre gordunni aamama hooggoommehero ane aana wolqa diafi'ratto. Kunnira ane atera sayise uyihura rooru cubbi noosi» yiisi.

UMI YOHAANNISI 4:4

Ooso! Ki'ne Maganunnireeti; insano qeeltinoonni. Ki'ne ledo noohu, tenne gobbaha rooreho.

YOHAANNIS AJUUJA 20:7

Kume diro ikkihu gedensaanni, Sheexaanu usurunni tidhame,