LUQAASI 8:24 - Qullaawa Maxaafa

²⁴ Yesuusi goxe noowa marte, «Rosiisaancho, goonfammoraati!» yite baqqi assitusi. Isino kae bubbenna dambala ufi; bubbenna dambaluno hakkawoyintenni gabbi yii. Insa baalunkuno sammi yitu.

LUQAASI 8:24 ပူးပေါင်းရင်းမြစ်များ

FAARSO 65:7

Baaru dambali luulattonna, mannu canco sammi assatto.

ISAYAASI 50:2

Dayummo woyite ki'ne dargaho mayira hooggini? Woshshummo yannara yee yaannohu mayira hoogi? Ani gatisa didandeemmoho? Gatisate wolqa dinoeni? Ani rufummoro baaru moolanno; ha'ranno waa moola baattora soorreemmo; qulxu'mu waa hooge ree bowanno gede asseemmo.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

NAHOOMI 1:4

Isi hajajonni, baarunna xashshu baalunku moolanno. Baasaaninna Qermeloosi Ilaallara noo mu'ro duuchanti qoortanno; Libaanoosi daraarono giggiltanno.

MAATEWOOSI 14:30

Ikkollana bubbete wolqa lae waajji; baaru itasira rahita, «Mooticha'ya gatisie!» yee raari.

MAATEWOOSI 8:25

Rosaanosi Yesuusiwa shiqqe, «Mooticha, ba'nummona gatisinke!» yite baqqi assitusi.

MAARQOOSI 4:39

Isino kae bubbe ufe, «Uurri! Gabbi yii» yee rufita, bubbe uurriteenna lowo geeshsha ga'labbi yii.

LUQAASI 4:35

Yesuusi, «Busha ayyaana, sammi yite manchuwiinni fuli» yee rufi. Bushu ayyaanino mancho mannu albaanni tuge, gawajjisikkinni fule ha'ri.

LUQAASI 4:39

Yesuusi isewa shiqqi yee mulese uurre, iibbabbo agurtannose gede hajaji. Iibbabbo agurteennase ka'e soqqantunsa.

LUQAASI 5:5

Simiooni, «Rosiisaancho, hashsha wo'ma daafurre mitto qulxu'michono diamandoommo; ati yiittoro kayinni woshshaado tugeemmo» yii.

LUQAASI 8:25

Hakkunni gedensaanni Yesuusi rosaanosi, «Ammana'ne hiikkitu?» yee xa'minsa. Insa kayinni lowo geeshsha waajjitinohuranna massinohura mimmitinsara, «Bubbenna dambala hajajeenna hajajantanni noosina, isi ayeti ikka» yitu.