LUQAASI 8:15 - Qullaawa Maxaafa

¹⁵ Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

LUQAASI 8:15 ပူးပေါင်းရင်းမြစ်များ

FAARSO 119:11

Cubbo looseemmokki gede, qaalekki wodani'yara wodhoommo.

FAARSO 51:10

Magano ballo! Keeraancho wodana kalaqie; haaronna suwashsho wodana giddo'ya worie.

LAWISHSHA 3:1

Rosiisaanchu, «Beetto'ya ballo, rosiiseemmohere habbooti; hajajo'yano wodanikkira wodhi.

ERMIYAASI 15:16

Olantote Magano Kaaliiqa! Qaalekki afi'ranni hee'renni itoommo; ani ateha ikkoommo daafira, qaalikki wodani'yara hagiirrenna hisanyoote wonshinoe.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

ERMIYAASI 32:29

Insano konne katama amadde giira qassanno. Manni'ya ane hanqisara minu iima Ba"aalira hixaana giirannowanna wole magannara agattote fushshaate shiqishanno dargi ledo mitteenni giiramanno.

MAATEWOOSI 24:13

Goofimarchu geeshsha cince kaajjannohu kayinni gatanno.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

LUQAASI 6:45

Danchu manchi danchu wodanisi giddonni dancha coye fushshanno; bushu manchi bushu wodanisi giddonni busha coye fushshanno. Mannu wodanisira wo'me gatinore coyi'ranno.

LUQAASI 8:14

Utu mereero uwino wixi masalo, Maganu qaale macciishshituhu gedensaanni, tenne gobba hedo, jirote baxillinna wole yorto wodaninsa giddora e'e macciishshitino qaale beeshshiteenna gumiweelte gattannore kulanno.

LUQAASI 8:16

Yesuusi lede, «Caabbicho xawise kae xawannokki gede aanaho gawate gombisannohu woy daallasaho woroonni worannohu dino. Roorenka minira eanno mannira baalaho xawanno gede assine worranni.

YOHAANNISI 14:15

«Baxxinannieha ikkiro, hajajo'ya agadhitinanni.

YOHAANNISI 15:10

Ani Anni'ya hajajo wonshanni baxillisinni hee'rummonte gede, ki'neno ane hajajo wonshitiniro, ane baxillinni heedhinanni.

ROOMU SOKKA 2:7

Dancha looso jaatte loosatenni galata, ayirrinyenna ba'annokki heeshsho hasidhannorira, Maganu hegere heeshsho aannonsa.

ROOMU SOKKA 6:22

Xa kayinni cubbuwiinni wolaphitine Maganu borojje ikkitinoonnihura qullaawootaho; qullaawa heeshsho gawalono hegere heeshshooti.

ROOMU SOKKA 7:18

Ane giddo woy mannimma'ya heeshsho giddo horonta danchu coyi nookkita egennoommo. Dancha assate halcho nooe; dancha assate kayinni wolqa diafi'roommo.

ROOMU SOKKA 7:4

Roduuwa'ya, ki'ne coyino hattooho. Ki'ne Kiristoosi bisi widoonni Seeraho reyitinoonnireeti. Kunnira, Maganoho guma laallammora, reyotenni kainohura Kiristoosira fiixa ikkitinoonni.

ROOMU SOKKA 8:25

Illete leellannokkire hexxinummoro kayinni, cincine agadhineemmo.

UMI QORONTOOSI 7:19

Barcimano barcima hoogano leddannori dino. Qaru coyi Maganu hajajo wonshate.

EFESOONI SOKKA 2:8

Ki'ne gattinoonnihuno amma'nate widoonni eltosinniiti. Kunino Maganu mulla uyino'ne ba'raa'raati ikkinnina, ki'nenni di"ikkino.

MARRO 30:6

Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.

QOLASIYAASI SOKKA 1:10

Qolleno, Mootichaho maltino heeshsho heedhinanni, baalunku coyinni dancha guma laaltinanninna Maganu egennonni lophitinanni wo'mante doogonni hagiirsiissinannisi gede huuccatto assineemmo'ne.

QOLASIYAASI SOKKA 1:6

Ki'ne Dancha Duduwo macciishshitinihunna Maganu elto halaale ikkitinota huwattinihunni kayise giddo'ne hee'rinte gede, kuni Danchu Duduwi alame baalateno guma laalanninna lophanni no.

IBIRAAWOOTA 10:36

Maganu hedinore wonshitine aa'nera hexxo uyino'ne coye afi'rate, cincitine agadha hasiissanno'ne.

IBIRAAWOOTA 2:1

Kunnira, miteekkine macciishshinoommo coyiwiinni shalanqe umbeemmokki gede, roorsine qoropha hasiisannonke.

YAIQOOBI 1:4

Cincatenni kaajja'ne mitturino xei'nekkinni guutanna wo'ma manna assitanno'neta ikkito.

UMI YOHAANNISI 2:3

Maganu hajajo wonshinummoro, iso egenninoommore ikkinoommota tennenni anfeemmo.