LUQAASI 8:10 - Qullaawa Maxaafa

¹⁰ Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni la'anni heedhe buuxxannokki gede, macciishshitanni heedhe wodanchitannokki gede masalsatenni kullanninsa» yiinsa.

LUQAASI 8:10 ပူးပေါင်းရင်းမြစ်များ

FAARSO 25:14

Ayirrissannosirira baalaho Kaaliiqi jaalansaati; gondoorosino egentanno gede assannonsa.

ISAYAASI 29:14

Kunnira, maala'linanni coye hoode hoodete abbanni dhaggeeffattanno gede asseemmonsa. Egennaammu egenno huneemmo; hayyoolete hayyo diigeemmo» yii.

ISAYAASI 44:18

Hattoo manni mittoreno afannokki gede wodananna ille beewinoho.

ISAYAASI 6:9

Isino, «Hakkunni manniwa marte, ‹Aye geeshshano macciishshitine dihuwattinanni; aye geeshshano la'ine dibuuxxinanni› yite kulinsa.

ERMIYAASI 5:21

‹Gowwootunna balalootu, hanni wodanche! Ille heedheennanni affinannikkiri, macca heedheennanni macciishshitinannikkiri, konne coye macciishshe› yite kuli.

HIZIQEELI 12:2

«Koo manchi beetto, ati hee'rattohu haxawarru manni mereerooti. Insa haxawarroota ikkansanni kainohunni ille heedheennansanni dila'anno; macca heedheennansanni dimacciishshitanno.

MAATEWOOSI 11:25

Hatte yannara Yesuusi, «Gordunna baattote Mooticha Anna'ya, konne coye hayyooletenna egennaammaho golte qaaqquulleho leellishootto daafira galaxxeemmohe.

MAATEWOOSI 16:17

Yesuusino, «Yoona Beetto Simiooni, ba'raa'rootto! Konne coye gordoho hee'rannohu Anni'ya xawisinohe ikkinnina mannu dikulinohe.

MAARQOOSI 4:11

Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni masalsatenni kullanninsa.

MAARQOOSI 4:12

Hatto ikkannohuno, « ‹Insa Maganunniwa higgeenna, cubbo agurransara, la'anni heedhenni dibuuxxannoreeti; macciishshitanni heedhenni diwodanchitannoreeti› yinoonni garinniiti» yiinsa.

YOHAANNISI 12:40

«Illensanni la'e affannokki gedenna, wodaninsanni wodanchitannokki gede, higgannokki gedenna hursannonsakki gede, Maganu illensa ballisino; wodanansano dilleessino» yiino coyi wo'maraati.

ROOMU SOKKA 16:25

Maganoho galata uyino. Ani Yesuusi Kiristoosire kuleemmohu Danchu Duduwiranna lowo diro maaxame keeshshe xa xawo fulino halaalira, Maganu amma'natenni jawaattine uurritinanni gede assa'nera dandaanno.

UMI QORONTOOSI 12:11

Konne baala assannohu hakku mittu Ayyaani, mittu mittunkura afansha hedino garinni aanno.

MARRO 29:4

Ikkollana, techo geeshsha Kaaliiqi wodanchitinannire diassino'ne.

QOLASIYAASI SOKKA 2:2

Sharrameemmohuno wodaninsa diggi yaaranna baxillunni usurante, wo'ma wodancha afi'ratenni Maganu daho ikkinoha Kiristoosa affanno gedeeti.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.