LUQAASI 7:37 - Qullaawa Maxaafa

³⁷ Hakko katamira mitte cubbaataame mancho no. Ise Yesuusi Farisichu minira jilaho woshshaminota macciishshite, shitto wo'mitinota albasxiroosi yinanni kinchinni seekkinoonni gujuujjera haadhe daggu.

LUQAASI 7:37 ပူးပေါင်းရင်းမြစ်များ

MAATEWOOSI 21:31

«Lamunku giddo annu hedo wonshinohu hiikkonneeti?» yiinsa. Insano, «Balaxe soyiho» yitu. Yesuusino, «Halaale kuleemmo'nena, qaraxaasinenna foortannori Gordu Gashshoote ea balaxxanno'ne.

LUQAASI 18:13

«Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

LUQAASI 19:7

Konne coye lai manni baalu, «Kuni manchi cubbaataammu mine itara eino» yaanni Yesuusira gungumi.

LUQAASI 5:30

Farisootunna insa widiri Seeru rosiisaano, Yesuusi rosaanora, «Qaraxaasinetenna cubbaataammu ledo ittinannihunna agginannihu mayiraati?» yite gunguntu.

LUQAASI 5:32

Ani cubbaataammu aagintaabbe higganno gede woshshammora ikkinnina, keeraano woshshate didayommo» yiinsa.

LUQAASI 7:34

Manchi Beetti itanninna aganni dayita, ‹Kuni itonna ago baxannoho! Qaraxaasinetenna cubbaataammu jaalaati› yitinoonni.

LUQAASI 7:36

Farisootu giddonni mittu manchi Yesuusa sagalete koyisisi. Yesuusino Farisichu minira mare sagalete ofolli.

YOHAANNISI 11:2

Hatti Maariyaami Mootichaho shitto buurte, lekkasi dananchisenni fiitute. Dhiwaminohu Aliaazaari rodooseeti.

YOHAANNISI 9:24

Hakkonne illiweele ilame huri mancho layinkimeeshsho woshshite, «Ati halaale coyi'ratenni Magano ayirrisi; kuni manchi cubbaataamo ikkinota ninke anfoommo» yitu.

YOHAANNISI 9:31

Maganu cubbaataammunnire macciishshannokkita egenninoonni. Maganu ayirrisannohurenna hedosi wonshannohunnire kayinni macciishshanno.

ROOMU SOKKA 5:8

Ikkollana, ninke cubbaataamma ikkine hee'neenna Kiristoosi ninke daafira reyino. Kunni garinni Maganu lowo geeshsha baxannonketa leellishino.

UMI XIMOOTEWOOSI 1:15

«Yesuusi Kiristoosi cubbaataamma gatisara yee tenne gobba dayino» yaanno qaali halaalaanchohonna mannu baalu adha hasiissannoho. Cubbaataammu baalunni rooru cubbaataami aneeti.

UMI XIMOOTEWOOSI 1:9

Seera uyinoonnihu danchu mannira ikkinokkita anfoommo; seera uyinoonnihu hajajantannokkirira, haxawarrootaho, maganittete heeshsho heedhannokkiriranna cubbaataammaho, qullaawoota ikkitinokkiriranna ayyaanaamo coye mishshannorira, anna woy ama shitannoriranna mannu lubbo huntannoriraati.

UMI PHEEXIROOSI 4:18

Qullaawu Maxaafi, «Keeraanchu nafa quuxxote giddonni gatannoha ikkiro, Maganiweelunna cubbaataamu manni hiitto ikkaraati?» yaanno.