LUQAASI 7:27 - Qullaawa Maxaafa

²⁷ Isi, ‹Kuneeti doogo biddi assannohe gede soqqamaancho'ya atera alba qole soyemmo› yine borreessinoonniho.

LUQAASI 7:27 ပူးပေါင်းရင်းမြစ်များ

ISAYAASI 40:3

Mittu lallawanni, «Halalla Kaaliiqira doogo seekke! Moola gobbarano Maganinkera hala'lado doogo maxarre!

MILKIYAASI 3:1

Olantote Mootichi Kaaliiqi, «Doogo'ya biddi assanno gede soqqamaancho'ya balaxe soyemmo. Agadhitinoonni Mootichi, hedeweelcho Qullaawu Minisira daanno. La"ate quqquxantinanni sokkaanchi'ya daye gondooro'ya lallawanno» yaanno.

MAATEWOOSI 11:10

«Isi, ‹Kuneeti doogo'ya biddi assanno gede, soqqamaancho'ya balaxe soyemmo› yine borreessinoonnisiho.

MAARQOOSI 1:2

Himanaanchu Isayaasi, «Kuneeti atera alba asse, doogokki qixxeessannoha, sokkaancho'ya soyemmo.

LUQAASI 1:76

Qolleno, ate beetto'ya, Wo'munkura Aliidi Magani himanaanchooti yinannihe. Atino doogosi seekkate, balaxxe Mootichu albaanni ha'ratto.

LUQAASI 7:26

Mayiralla daggini? Himanaancho la'inaraati? Ee, himanaancho lowo geeshsha roorinoha la'inaraati.

LUQAASI 7:28

«Halaale kuleemmo'nena, baattote aana ilamino manni giddo Cuuaancho Yohaannisi roorannohu dino. Ikkollana, Gordu Gashshootira wo'munkura woriidiha ikkinohu roorannosi» yee kulinsa.

YOHAANNISI 1:23

Yohaannisi qole, «Himanaanchu Isayaasi yiinonte gede, ani, ‹Maganu doogo maxarre!› yaanni, halalla lallawanno manchi huurooti» yii.