LUQAASI 6:49 - Qullaawa Maxaafa

⁴⁹ Qaale'ya macciishshe guutannokkihu kayinni, mine shaafu aana mi'ninoha gowwa mancho lawanno. Hakkonne mine lolahu daye xiiwi. Minuno hakkawoyintenni uwi; uwasino jaddonnite» yiinsa.

LUQAASI 6:49 ပူးပေါင်းရင်းမြစ်များ

LAWISHSHA 28:18

Sumbetenni hee'rannohu gatanno; shokkado doogo ha'rannohu kayinni balete uwanno.

HIZIQEELI 33:31

Kunnira, manni'ya ati coyi'rattore macciishsharalla gamba yaanno; kayinnilla, kulattonsare baala diwonshanno. Kulatto qaale goowi alita naaddanno; wodaninsara kayinni hafuurre wo'mitino.

HOOSEI 4:14

Ikkollana seenni'ne baashaawannoha, ooso'ne seennino foorannoha ikkino daafira, diqorichisheemmonsa. Hatto asseemmokkihu, ki'ne labballu umi'ne galmuwate fooranno meenti hoode hadhinanni, insa ledo wole maganna magansidhinoonni. Wodancha nookki gosa ba'anno.

MAATEWOOSI 23:3

Kunni daafira, insa yitanno'nere baala asse; agadhe. Coyidhannore diwonshitannoreetina, insa assitannore kayinni assitinoonte.

MAATEWOOSI 24:10

Hatte yannara lowo manni ammana agure gufi'ranno. Ku'u ko'onne sayise aanno; mannu isi isiniiwa giwamanno.

MAARQOOSI 4:17

Rumushshu noonsakki daafira shiima yannalla keeshshitanno. Maganu qaali daafira qarrunna xiiwama iillitunsaro mulenni gufidhe ubbanno.

LUQAASI 12:47

Mootichisi hedo afanni hee'renni agadhinokkihunna hajajosi wonshinokki soqqamaanchi lowo geeshsha qorichishamanno.

LUQAASI 19:14

Gobbasi manni kayinni giwannosi daafira, ‹Kunni manchi ninkera moote ikkara dihasi'neemmo› yite, isi ha'rihu gedensaanni manna sokku.

LUQAASI 19:27

Insa gashshaancho ikkeemmota gibbinore hakkore baarigaarra'ya abbitine alba'yaanni shiiyye!› yiino» yiinsa.

LUQAASI 6:46

«Ani kuleemmo'nere wonshitinikkinni, ‹Mooticha, Mooticha›, yitine mayira woshshitinannie?

LUQAASI 6:48

Isi mine kinchu aana mi'ninoha busule mancho lawanno. Lolahu daye hakkonne mine xiiwi. Ikkollana kinchu aana minnoonni daafira diuwino.

LUQAASI 7:1

Yesuusi konne coye baala mannaho kule kaihu gedensaanni Qifirinahoomi ha'ri.

YOHAANNISI 15:2

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

SOQQAMAASINETE LOOSO 20:29

Ani ha'rummohu gedensaanni hoshsha marartannokki hiyyeeyye daggannota afoommo.

SOQQAMAASINETE LOOSO 26:11

Lowo yanna xaadu minna ha'ranni qorichinshanninsa gedenna insano Mooticha xontanno gede assoommo. Lowo geeshsha giirame, wole katamma nafa ha'ranni insa xiiwoommo.

UMI TESELONQE 3:5

Kunni garinni kunni ka'a cince afeemmokki daafira, ammana'ne gara afammora yee Ximootewoosi ki'newa soommo. Iso soommohuno, miteekke Daawuloosi mite doogonni jifeenna'ne daafurinke mullawa gatanno yee waajjeeti.

LAYINKI PHEEXIROOSI 2:20

Mootichinkenna Gatisaanchinke Yesuusi Kiristoosa afatenni tenne gobba battewiinni xooqqe fultuhu gedensaanni, galagalte hatte battenni sarraaqante qeelanturo, gedensiidi ikkitonsa albitenni roore darbantinota ikkitanno.

UMI YOHAANNISI 2:19

Insa ninke giddonni fultino; ikkollana albano ninkere di"ikkitino. Ninkere ikkitoommero, ninke ledo heedhanno. Kayinnilla, baalunku ninkere ikka hoogansa bande anfanni gede ninkewiinni baxxite fultino.