LUQAASI 6:35 - Qullaawa Maxaafa

³⁵ Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

LUQAASI 6:35 ပူးပေါင်းရင်းမြစ်များ

FAARSO 112:5

Calla liqiissannohuranna, baalanka coye taashshannohura, hakko manchira seekkannosi.

FAARSO 145:9

Isi mannu baalunkura shaqqadoho; kalaqama baala mararanno.

FAARSO 37:26

Isi wo'ma woyite callano aanno; liqiissannono; oososino maassantanno.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

LAWISHSHA 19:17

Buxanete aannohu Kaaliiqira liqiissanno; Kaaliiqino assino danchummara daware aannosi.

LAWISHSHA 22:9

Sagalesi buxichoho beehanno daafira, shooshaqu manchi maassamanno.

MAATEWOOSI 5:9

Araarsitannori ba'raadhinoreeti; Maganu oosooti yinanninsana.

MAARQOOSI 5:7

Lowo geeshsha raaranni, «Ati Wo'munkura Aliidi Magani Beetto Yesuusa, atera ane ledo mayi noohe? Shetisattoekki gede Maganu su'minni eegameemmohe» yii.

LUQAASI 1:32

Isi jawa ikkanno; Wo'munkura Aliidi Magani Beettootino yinannisi. Mootichu Maganu, annisi Daawitiha ayirrinyu barcima aannosi.

LUQAASI 6:36

Gordu Anni'ne maarannoha ikkinonte gede, ki'neno maartinannire ikke» yiinsa.

YOHAANNISI 13:35

Ki'ne ki'neneewa baxantiniro, ane rosaano ikkitinoonnita mannu baalu tennenni egennanno'ne» yii.

YOHAANNISI 15:8

Batinye guma laaltiniro, kunninni Anni'ya ayirranno. Ki'neno ane rosaano ikkitinoonnita anfanni.

SOQQAMAASINETE LOOSO 14:17

Ikkollana shaqqado Magano ikkasi leellishannoha dancha looso loosa diagurino. Gordunni xeena soyanno'ne; gideno yannatenni aanno'ne; sagaletenninna hagiirrunni wodana kassi assanno'ne» yitu.

LAYINKI QORONTOOSI 8:9

Ki'ne Mootichinke Yesuusi Kiristoosi elto egentinoonni; isi dureessa ikke hee'renni buxe, ki'ne duroo'mitinanni gede ki'ne daafira yee buxicho ikkino.

LAYINKI XIMOOTEWOOSI 3:2

Mannu umosi baxannoha, woxe baxannoha, naaxxaleessa, boonaleessa, xonamaancho, iltinonsarira hajajamannokkiha, galata afi'rinokkiha, qullaawa heeshsho afi'rinokkiha,