LUQAASI 6:27 - Qullaawa Maxaafa

²⁷ «Macciishshitinannirira kuleemmo'nena, baarigaarra'ne baxxe! Gibbanno'nerira danchare asse.

LUQAASI 6:27 ပူးပေါင်းရင်းမြစ်များ

UMI MOOTOOLLA 13:6

Iyorbiaami Maganu mancho, «Anga'ya darga higgannoe gede Maganokki Kaaliiqa huuccie» yiisi. Maganu manchino Kaaliiqa huucceennasi angasi darga higge albi gedeeta ikkitusi.

LAWISHSHA 24:17

Baarigaarikki qarrameenna hagiidhitooti; gufi'ranno woyiteno tashshi yoonkehe.

LAWISHSHA 25:2

Magano coye maaxasira ayirrinsannisi; mootoolla kayinni coye xawo fushshansara ayirrinsanninsa.

MAARQOOSI 4:24

Xaano lede, «Macciishshitinanni coye wodana asse! Woleho safartine uyitinanni safaraanchinni safarranni'ne; hakkiinnino sayinse uyinanni'ne.

LUQAASI 23:34

Hakkunni gedensaanni Yesuusi, «Anna'ya! Diaffe assitanni noona saonsa aguri» yii. Uddanosino hixa tuqqite beeqqitu.

LUQAASI 6:22

«Ane Manchi Beettinni kainohunni mannu giwi'nero, giddonsanni fushshe huni'nero, mishi'neronna su'ma'ne bushatenni kayisiro ba'raadhinoonnireeti.

LUQAASI 6:35

Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

LUQAASI 8:15

Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

LUQAASI 8:18

«Kunnira qaale ma garinni macciishshitinanniro seekkitine wodanche; noosihura lendanni; noosikkihu aaninni kayinni noosinkanni haa'ne hoollanni» yii.

LUQAASI 8:8

Wolu gumi dancha shaqqado baatto aana uwe mu'ri. Lophe xibbe ero laalino» yee lawishsha kulinsa. Yesuusi lede, «Macca noohu macciishsho!» yiinsa.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

SOQQAMAASINETE LOOSO 16:28

Phaawuloosi kayinni, «Ninke baalunku konne hee'noommona umokki galaaffattooti!» yee qoonqosi naggi asse coyi'ri.

SOQQAMAASINETE LOOSO 7:60

Guluphe lowo qoonqonni raare, «Mooticha'ya, tenne sao kiirtootinsa!» yee kae reyi.

GALATIYU SOKKA 6:10

Coyi injiinkero, manna baalaho, roorsine amma'nino mannira dancha coye assino.

UMI TESELONQE 5:15

Bunshe assinohura ayino bado qoloonke. Hatteentenni wo'manka woyite mimmiti'neranna wolu manni baalaho dancha coye assate jawaatte.

SAYIKKI YOHAANNISI 1:11

Jaala'ya! Dancha ikkinnina busha labbooti; danchare assannohu Maganunniho; bushare assannohu kayinni Magano diafino.