LUQAASI 6:26 - Qullaawa Maxaafa

²⁶ «Mannu baalu jaji'nero, ki'nera aanne'e. Annuwansano kaphu himanaano hatto jajjino» yiinsa.

LUQAASI 6:26 ပူးပေါင်းရင်းမြစ်များ

LAWISHSHA 27:21

Birranna culka giiratenni fonqolle la'nanninte gede, mannu ewelumma bande anfannihuno, isi daafira wolootu dudubbanno duduwinniiti.

ISAYAASI 30:10

Maganu soqqamaanonna himanaano, «Kaaliiqi yiinore kultinoontenke; halaaleno dudubbinoontenke. Kapho nafa ikkiro, ninke halchinoommore calla macciishshinammora hasi'neemmo.

ERMIYAASI 5:31

Himanaano kaphu himana coyidhanno; qeesootuno insa yiture assitanno; manni'yano insa yitannore baxanno. Qarru daanno barra kaa'lote mamira martannoyya?» yii.

MIKIYAASI 2:11

«Tini gosa, ‹Woyinete xajje agonna woleno dimbisanno ago afi'ratenni duubbinanni› yaanni beebba coyi'ranni doganno himanaancho baxxanno.

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

LUQAASI 6:25

Xa duubbinoonniri, gedensaanni hudidhinanni daafira, ki'nera aanne'e. Xa oso'litinanniri, gedensaanni dadillitinanninna wi'litinanni daafira, ki'nera aanne'e.

YOHAANNISI 15:19

Ki'ne tenne gobbare ikkitinoommero, umiseri gede assite baxxanno'ne. Ikkollana, ani tenne gobbanni bade dooroommo'ne ikkinnina ki'ne tenne gobbare ikkitinoonnikkihura, tini gobba gibbanno'ne.

YOHAANNISI 7:7

Alame ki'ne digibbanno'ne; ane kayinni loosise busha ikkinota coyi'reemmo daafira gibbannoe.

ROOMU SOKKA 16:18

Hattoo manni kokkensara calla ikkinnina Mootichinke Kiristoosira soqqamannoha di"ikkino. Owaatunna awishshu qaalinni beebbaataamo manna dogganno.

YAIQOOBI 4:4

Ki'ne ammanantinannikkiri! Tenne gobba baxa Magano giwa ikkitinota diegentinoonni? Kunnira, tenne gobba baxannohu baalu Maganoho diinaho.