LUQAASI 6:23 - Qullaawa Maxaafa

²³ Gordoho lowo ba'raa'ra afidhinanni daafira tashshi yoo'ne; hagiidhe. Ki'nera albiidi himanaanorano hattoo bunshe iillishshinonsa.

LUQAASI 6:23 ပူးပေါင်းရင်းမြစ်များ

LAYINKI SAAMUEELI 6:16

Kaaliiqi Taabooti Daawiti Katama ei yannara, Saaooli beetto Melkooli masikootete giddoonni qolte la'anni no. La'anno woyite moote Daawiti Kaaliiqi albaanni kubbanni qeexaa'lanni noota affe wodanisenni mishshusi.

UMI MOOTOOLLA 18:4

Elzaabeeli Maganu himanaano shiishiishshu yannara Abidiyu, 100 himanaano 50, 50 asse lamewa beehe godu giddo maaxe sagalenna waa aanni towatinonsa.)

UMI MOOTOOLLA 19:10

Eeliyaasino, «Olantote Mooticha Kaaliiqa! Ane ate laala amaddinoe. Israeelete manni ate ledo eino gondooro hunino; kakkalote dargakkino diigino; himanaanokki baalano shee gudeenna kune ani callu gatoommo. Kune aneno shaaera hasanni nooe» yee dawari.

UMI MOOTOOLLA 19:14

Eeliyaasino, «Olantote Mooticha Kaaliiqa! Ane ate laala amaddinoe. Israeelete manni ate ledo eino gondooro hunino. Kakkalote dargakkino diigino. Himanaanokki baalano shee gudeenna kune ani callu gatoommo. Kune aneno shaaera hasanni nooe» yee dawari.

UMI MOOTOOLLA 19:2

Iseno, «Ateno ga'a tenne yannara tenne himanaano assitto gede assa hoogummahero, aneno maganna shitoe» yite Eeliyaasira sokka sokku.

UMI MOOTOOLLA 21:20

Akiaabi Eeliyaasi afiti, «Baarigaara'ya afi'rittoeni?» yii. Eeliyaasino, «Kaaliiqi giwanno coye assate umokki sayisse hirootto daafira, eewanni afi'roommohe.

UMI MOOTOOLLA 22:27

ani oluwiinni keere higammo geeshsha usuru minira eessite moola timanna waa calla uyitannosi gede kulinsa» yii.

UMI MOOTOOLLA 22:8

Akiaabino, «Mittu Yimila beetti Mikaya yinannihu noona, isi anera bushare ikkinnina danchare himanannokki daafira iso dibaxeemmo» yii. Iyosaafiixi qole, «Hatto yitooti!» yiisi.

LAYINKI MOOTOOLLA 6:31

Mooteno, «Saafaaxi beetti Elsai umi techo aanasi galiro, Maganu ane lubbotenni woroonke"e» yii.

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

ISAYAASI 35:6

Naafichu bullichi gede kubbanno; danqichu arrawino hagiirrunni faarsanno; halallitte gobbara wayi lolahanno.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MAATEWOOSI 5:12

Gordu gashshootira lowo waaga afidhinanni daafira tashshi yoo'ne; hagiidhe. Ki'nera albiidi himanaanono hatto xiiwamanna qarra iillishshinonsa» yaanni rosiisa hanafi.

LUQAASI 1:41

Elsaabeexino Maariyaami keere macciishshituta, godowise giddo noo qaaqqi kukkubbi. Elsaabeexino Qullaawu Ayyaani wo'meennase,

LUQAASI 1:44

Ati keere haa'rittaeta godowi'ya giddo noo qaaqqi hagiirrunni kukkubbino.

LUQAASI 6:35

Ki'ne kayinni baarigaarra'ne baxxe; danchareno assensa; qollanninke yitine agadhitinikkinni liqiisse. Hatto assitiniro waagi'ne lowoho. Wo'munkura Aliidi Maganira oososi ikkitinanni. Isi galata afidhinokkiriranna bushuulleho nafa shaqqadoho.

SOQQAMAASINETE LOOSO 14:10

«Koo mancho, gotti yite uurri!» yee jawaatu qaalinni coyi'ri. Manchuno kubbe kae lekkasinni ha'ri.

SOQQAMAASINETE LOOSO 3:8

Isino gotti yee uurri; qaafanni insa ledo Qullaawu Minira ei. Ha'ramanninna kukkubbanni Magano galati.

SOQQAMAASINETE LOOSO 5:41

Soqqamaasine kayinni Yesuusi su'mira yite shollinye adha hasiissannonsata egentino daafira, tashshi yaannansa songote albinni fulte hadhu.

ROOMU SOKKA 5:3

Kunni callunni ikkikkinni, qarrunni cinca afi'neemmo daafira, qarranke hagiirrunni adhineemmo.

LAYINKI QORONTOOSI 12:10

Wolqa afi'reemmohu wolqiweeleemmo woyite ikkinohura, Kiristoosi daafira yee wolqiweelummoro, xonamummoro, mitii'mummoro, xiiwamummoro, qarramummoro tashshi yaannoe.

QOLASIYAASI SOKKA 1:24

Xa ki'ne daafira yee adheemmo qarrinni tashshi yaannoe. Bisosi ikkitino beetekiristaanera Kiristoosi qarra beeqqatenni xeinoere maali'yanni wonsheemmo.

LAYINKI XIMOOTEWOOSI 2:12

Cincine hee'nummoro, isi ledo moonkeemmo. Badhe wodhinummosiro kayinni, isino badhe wodhannonke.

IBIRAAWOOTA 11:26

Albillitte adhara noo ba'raa'ra buuxe laino daafira, Gibitsete jironni roore Kiristoosi daafira mishama roore jiro ikkitinota hedi.

IBIRAAWOOTA 11:6

Amma'na nookkiha Magano hagiirsiinsara didandiinanni; mayira yiniro, Maganunniwa shiqqi yaanno manchi Maganu nootanna iso hasi'ranno mannirano ba'raa'ra aannota ammana hasiissannosi.

YAIQOOBI 1:2

Roduuwa'ya! Addi addi jifama iillitu'nero, tashshi assanno coye afidhinoonnihu gede assitine kiirre.

UMI PHEEXIROOSI 4:13

Hatteentenni, ayirrinyisi leellanno waro lowo geeshsha tashshi yaanno'ne gede, Kiristoosi qarra beeqqitinanni deerrinni hagiidhe.

YOHAANNIS AJUUJA 2:17

Qullaawu Ayyaani beetekiristaannate yaannore macca noohu macciishsho. Qeelinohura maanxeenna heedhannota menna yinanni sagale eemmosi. Haaro su'ma aanaho borreessinoonniha waajjo kincho eemmosi. Adhannohu ka'a, konne wolu ayino diafanno› yiino» yite borreessite soyi.

YOHAANNIS AJUUJA 2:26

Qeelannohanna ani hedoommore gawalote geeshsha iillishannoha dagate aana moohiseemmosi.

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.

YOHAANNIS AJUUJA 21:7

Qeelannohu konne baala ragi'ranno; ani Maganosi ikkeemmo; isino beetto'ya ikkanno.

YOHAANNIS AJUUJA 3:12

« ‹Qeelinoha Qullaawa Mine Magani'yahura tuuqo asseemmosi. Hakkunni ka'a hakkiinni horo difulanno. Magani'ya su'ma, Magani'yawiinni gordunni daannohunniha, haaru Magani'ya Katami Yerusaalamennihu su'manna aneha haaro su'ma aanasi borreesseemmo.

YOHAANNIS AJUUJA 3:5

Qeelinohu hattonni waajjo uddano tuulatanno; su'masino heeshshote maxaafi giddonni dihuneemmo. Anni'yanna sokkaasinesi albaanni farci'reemmosi.