LUQAASI 5:35 - Qullaawa Maxaafa

³⁵ Ikkollana seenne adhannoha insawiinni haa'ne hoollanni yanna dagganno. Hatte yannara qatuntanno» yee dawarinsa.

LUQAASI 5:35 ပူးပေါင်းရင်းမြစ်များ

ISAYAASI 22:12

Hatte yannara Olantote Mootichi Kaaliiqi, umo meexxitinanni gedenna, xiddu uddano uddidhine wi'litinanni gede woshshino'ne.

DAANIEELI 9:26

Leyayina lame lamala wo'mituro Buuraminoha shinanni; katamanna Qullaawa Minesi mittu jawu albisi gaadisanno olanto co'o assite huntanno. Goofimarchu yanna lolahu gede hedeweelcho dagganno; Maganu qixxeessino olinna bao goofimarchu geeshsha diuurritanno.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

MAATEWOOSI 9:15

Yesuusi daware, «Seenne adhannohu ledonsa hee'reenna albisootu qatuntannoni? Adhannoha insawiinni haa'ne hoollanni yanna dagganno; hakka waro kayinni qatuntanno.

MAARQOOSI 2:20

Ikkollana seenne adhannoha insawiinni haa'ne hoollanni yanna dagganno. Hatte yannara qatuntanno.

LUQAASI 17:22

Yesuusi rosaanosira, «Manchi Beetti barruwa giddonni mitto barra la"ate halchitinanni yanna dagganno. Ikkollana dila'inanni.

LUQAASI 5:34

Yesuusino, «Seenne adhannohu ledonsa hee'reenna albisootu qatuma hasiissannonsani?

LUQAASI 5:36

Qoleno Yesuusi masalsanni, «Akkala uddanora haaro qaafficho digannanni. Hatto assiniro, haaru dadhamanno. Haaru qaaffichi akkalu ledo dixaadanno.

YOHAANNISI 12:8

Buxane wo'manka woyite ki'ne ledo no. Ane kayinni, wo'manka woyite diaffinannie» yii.

YOHAANNISI 13:33

«Ooso'ya, ki'ne ledo lowo yanna dikeeshsheemmo; ki'neno hasidhinannie. Ayihudete gashshaanora, ‹Ani noommowa ki'ne daa didandiitinanni› yuummonsante gede, ki'nerano hatto yeemmo.

YOHAANNISI 16:28

Anni'yawiinni daye tenne gobba eoommo; galagale tenne gobba agure Anni'yawa ha'reemmo» yii.

SOQQAMAASINETE LOOSO 1:9

Hatto yiihu gedensaanni, insa la'anni heedheenna gordu iimira fuli. Gomichu guggushshe albinsanni golisi.

SOQQAMAASINETE LOOSO 14:23

Beetekiristaannateno cimeeyye wortunsa. Ita aga agurte Magano huuccituhu gedensaanni, amma'nitino Mootichira eeggo uyitu.

SOQQAMAASINETE LOOSO 3:21

Maganu qullaawa himanaano widoonni qole balaxe coyi'rinonte gede, baalunku coyi haaro ikka geeshsha, Isi gordoho keeshsha hasiissannosi.

UMI QORONTOOSI 7:5

Huuccatto assi'rate yitine ma'litinoonni yannara agurranna, wole woyite mimmiti'nera qakkinoonte. Tenne yortonni umo'ne qee'la hooggineenna Sheexaanu jifanno'nekki gede galagaltine mitteenni heedhe.

LAYINKI QORONTOOSI 11:27

Lowo loosinna daafuru amadinoe; batinye hige goxicho hoogoommo. Hudenna goo'ro shetissinoe. Batinye hige qatumoommo; qiidunna kallimma amaddinoe.