LUQAASI 5:33 - Qullaawa Maxaafa

³³ Mitu mitu Yesuusa, «Yohaannisinna Farisootu rosaano batinye higge qatunte huuccidhanno; ate rosaano kayinni wo'manka woyite ittannohunna aggannohu mayiraati» yite xa'mitusi.

LUQAASI 5:33 ပူးပေါင်းရင်းမြစ်များ

LAWISHSHA 28:9

Seerasi ayirrisannokki manchi huuccatto, Maganoho battete.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ZAKKAARIYAASI 7:6

ittanninna agganni heedhinohuno uminsaraati» yitannote.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

MAARQOOSI 12:40

Gunnootu mine mulqitanno; mannaho leellantara yite, huuccatto seedissanno. Kunni daafira insara roore qoricha uyinanni» yii.

LUQAASI 11:1

Yesuusi mitte hige mitto darga huuccatto assi'ri. Huuccatto gudita rosaanote giddonni mittichu, «Mooticha, Yohaannisi rosaanosira rosiisinte gede, ninkerano huuccatto rosiisinke» yii.

LUQAASI 18:12

Ani mitte lamala giddo lame hige ita aga agure huucci'reemmo; afi'reemmori baalu giddonni tonnunni mitte anga eemmo› yaanni huucci'ri.

LUQAASI 2:37

Hakkunni gedensaanni settayina shoole diro ikkase geeshsha Qullaawu Mininni baxxitukkinni ita aga agurte huuccidhanni, hashshanna barra Maganoho soqqantanni heedhino.

LUQAASI 20:47

Leellantara yite seeda huuccatto assitanni, gunnootu mine mulqitanno. Kunnira, insa rooru qorichi agarannonsa» yii.

LUQAASI 5:32

Ani cubbaataammu aagintaabbe higganno gede woshshammora ikkinnina, keeraano woshshate didayommo» yiinsa.

LUQAASI 5:34

Yesuusino, «Seenne adhannohu ledonsa hee'reenna albisootu qatuma hasiissannonsani?

YOHAANNISI 1:35

Layinki soodono Yohaannisi lame rosaanosi ledo hakko uurre no.

YOHAANNISI 3:25

Kunnira, Yohaannisi rosaanonna mittu Ayihudichi keeraa'mate seeri daafira xa'mantu.

SOQQAMAASINETE LOOSO 9:11

Mootichu qole, «Suwashsho yinanni doogo higge ha'ri. Hakkiicho Yihuda yinanni manchi mine Saawuli yinanniha Xersesi mancho xa'misiisi; isi xa huuccatto assi'ranni no» yiisi.