LUQAASI 5:19 - Qullaawa Maxaafa

¹⁹ Ikkollana, mannu bati'rino daafira minira e'anno gara hooggu. Kunnira, minu iimira haadhe fushshite Yesuusi noo taalo la'e minu qalcho murte, mancho rerentenni dirrisse albasiinni wortu.

LUQAASI 5:19 ပူးပေါင်းရင်းမြစ်များ

LAYINKI SAAMUEELI 11:2

Mitte soodo Daawiti barra goxinowiinni kae, minu aana minnoonni mini aana ka'anna kawa ha'ramanni hee're mitte mancho biso hayishshidhanni noota afi. Tini mancho dana xumate.

ERMIYAASI 19:13

Yerusaalamennitinna Yihudu mootoolla minna, qolteno beeddahete hixaana giirranni minna, qalchuwanna kaphu magannara woyinete xajje fushshaate dunnanniwi baalu Tofeeti gede battaawinoha ikkanno» yii.

MAATEWOOSI 10:27

Kunnira, ani tunsote kuleemmo'nere, ki'ne barra xawoho coyidhe. Maccate hashaanshoonni'nere minu iima uurritine lallabbe.

MAATEWOOSI 24:17

Minu iima noohu minisi giddonni mitore adhara dirroonke.

MAARQOOSI 2:4

Mannu bati'rino daafira Yesuusiwa shiqqi yitanno doogo hoogge isi noo taalo la'e mine qalcho murte, mancho rerentenni dirrissu.

MARRO 22:8

«Mine mi'nitinanni yannara kaxxine fullanni darga seekkidhiniro, mannu minu aaninni uweenna xa'mantinannikki gede gammala seekke.

UMI SAAMUEELI 9:25

Kakkalote gaarinni ka'e katama martuhu gedensaanni, Saamueeli minisira iimaanni seekkinoonni darga goxannowa qixxeessisi. Saaoolino hakko goxe gali.